Հոկտեմբերի 17-ին մրցանակաբաշխությամբ կայացել է Արեւորդի 7-րդ միջազգային բնապահպանական փառատոնի փակման արարողությունը: Փառատոնի ֆիլմերի ծրագրի երեք` «Շրջակա միջավայր» , «Վայրի բնություն» , «Մանկապատանեկան» անվանակարգերում հայտարարվել են հաղթող ֆիլմերը:
«Վայրի բնություն» անվանակարգում հաղթող ֆիլմ է ճանաչվել.
«Լեմինգ. Հյուսիսի փոքրիկ հսկան»
Ռեժիսոր` Զոլտան Տորոկ, Շվեդիա
«Բնապահպանական խնդիր» անվանակարգում `
«Երբ բախվում են երկու աշխարհ» ֆիլմը
Ռեժիսոր` Հայդի Բրեդենբուրգ, Մեթյու Օրզել, ԱՄՆ, Մեծ Բրիտանիա, Պերու
«Մանկապատանեկան» անվանակարգում հաղթող ֆիլմ է ճանաչվել.
«ԲԵՆՈՒ» -ն
Ռեժիսոր` Սթեֆան Օբերլ, Էնզիո Պրոբստ, Դոմինիկ Շոն, Գերմանիա
ակման արարողությանը հաջորդել է Դեյվիդ Բոնդի «Վայրի մի բան» նախագիծ- ֆիլմի ցուցադրությունը:
Փառատոնի մրցութային եւ տեղեկատվական ծրագրերում այս տարի ցուցադրվել է 83 ֆիլմ` ամբողջ աշխարհից: Երեւանի 17 տարբեր վայրերում կազմակերպվել է 9 աշխատարան եւ 5 ցուցահանդես:
Փառատոնի հնգօրյա ժամանակահատվածում ֆիլմերը, աշխատարանները եւ ցուցահանդեսները ներկայացվել են Էօնում, Նոր Արվեստանոցում, Թումոյում, ՄԱԿ-ի գրասենյակում, «Հոդված 3» ակումբում, Մեդիա կենտրոնում, Բյուրոյում, Նորարար փորձառական արվեստի կենտրոնում, Խնկո Ապոր անվ. եւ Ավ. Իսահակյանի անվ. գրադարաններում, «Իլիկ» ձեռագործ իրերի խանութ-սրճարանում, Մուրաբայում, Fiction փաբում եւ Ժան-Պոլ Էքզիստենցիալ սրճարանում:
Արեւորդի միջազգային բնապահպանական կինոփառատոնն իր ձեւաչափով առաջինն ու միակն է Հարավային Կովկասում: Փառատոնն իրականացվում է Վայրի բնության եւ մշակութային արժեքների պահպանման հիմնադրամի (FPWC) նախաձեռնությամբ եւ գլխավոր գործընկեր ՎիվաՍել-ՄՏՍ-ի աջակցությամբ` 2007 թվականից:
