Գիտության զարգացման համար կարեւոր կարեւոր նշանակություն ունեն գիտնականներին տրվող դրամաշնորհները: Այս հարցում հսկայական աշխատանք է կատարում Հայ օգնության (ՀՕՖ) ֆոնդը:
2022.թ. մայիսի 25-ին ՀՀ Գիտությունների ազգային ակադեմիայում տեղի ունեցավ Հայ օգնության ֆոնդի հովանու ներքո գործող Երվանդ Թերզյանի անվան Գիտության եւ կրթության հայկական ազգային հիմնադրամի դրամաշնորհների հանձնման արարողությունը:
2022թ-ին ներկայացված 139 գիտական հայտերից հաղթող է ճանաչել 27-ը: 27 գիտական խմբերի ղեկավարներից 12-ը մինչեւ 35 տարեկան գիտնականներ են: Հաղթողներին ընտրում է ԱՄՆ-ում գործող փորձագիտական հանձնախումբը: Յուրաքանչյուր դրամաշնորհի գումարը կազմում է հինգ հազար դոլարին համարժեք ՀՀ դրամ:
Հայ օգնության ֆոնդը 22 տարի շարունակ հավատարիմ մնալով իր առաքելությանը՝ հովանավորում է Հայաստանի գիտնականներին: Մինչեւ օրս ֆոնդի դրամաշնորհների բյուջեն կազմել է 2 միլիոն 835 հազար ԱՄՆ դոլար:Անցած տարիների ընթացքում Հայ օգնության ֆոնդից դրամաշնորհներ են ստացել 567 գիտական խմբեր, որոնցում ընդգրկված է եղել մոտ 2100 գիտնական:
Ստեփան ՊԱՊԻԿՅԱՆ
Ռուսաստանի բնագիտության ակադեմիայի պրոֆեսոր
