Ռուսները հարվածել են Զապորոժիեի մետալուրգիական գործարանին. 7 աշխատակից զոհվել է
Ռուսաստանի կողմից Զապորոժիեի վրա բալիստիկ հրթիռային հարվածի հետևանքով «Զապորոժստալի» մետալուրգիական գործարանը լիովին դադարեցրել է աշխատանքը. հաղորդում է RBC-Ukraine-ն՝ հղում անելով ձեռնարկության սեփականատեր Metinvest խմբի մամուլի ծառայությանը։
Ընկերության տվյալներով՝ հրթիռային հարվածի հետևանքով զոհվել է ձեռնարկության յոթ աշխատակից, ևս 21 մարդ վիրավորվել է։
Բալիստիկ հրթիռը հարվածել է աշխատողներին, որոնք ապաստան էին փնտրում օդային տագնապի ազդանշանի հնչելուց անմիջապես հետո:
Հարձակման հետևանքով վնասվել են էներգետիկ ենթակառուցվածքները, կոքսի և դոմնային վառարանների արդյունաբերության հիմնական և օժանդակ օբյեկտները, ինչպես նաև այլ արտադրական օբյեկտներ։
«Մետինվեստ»-ի տվյալներով՝ «Զապորոժստալը» ամբողջությամբ դադարեցրել է գործունեությունը, իսկ մյուս արտադրական օբյեկտները աշխատում են կրճատված հզորությամբ։
Մասնագետները ներկայումս գնահատում են հարձակման ազդեցությունը, գործարանի գործունեությունը վերականգնելու հնարավորությունները և դրա համար անհրաժեշտ ժամկետները, ինչպես նաև իրականացնում են արտակարգ վերականգնողական գործողություններ։
