«Ազգային ժողովն ամենաբարձր լեգիտիմությունն ունի, իսկ ընդդիմությունն ամենացածր լեգիտիմությունն ունի պատմության մեջ։ Ընդդիմությանը մանդատից զրկելն օրենքի պահանջ է։ Ես վստահ եմ, որ ըննդիմությունը փորձելու է կամ բժշկի թուղթ ներկայկացնել կամ իբր իր օրակարգով ԱԺ-ում մասնակցություն ապահովել։ Տարվա վերջին, երբ նստաշրջանը կավարտվի, ընդդիմությանը մանդատներից զրկելու հարցը կմտնի խորհուրդ»,- լրագրողների հետ ճեպազրույցում հայտնել է ԱԺ խոսնակ Ալեն Սիմոնյանը։
Նրա համոզմամբ՝ որևէ քաղաքական գործիչ չպետք է աշխատավարձ ստանա, եթե նա աշխատանքի չի գնում։
«Մենք ծափահարություններով նրանց ճանապարհեցինք դահլիճից և պատրաստ ենք ծափահարություններով ընդունել դահլիճ։ Եթե ընդդիմությունը քաղաքականության մեջ է, ուրեմն պետք է լինի ԱԺ դահլիճում։ Եթե քաղաքականությունից դուրս է, ուրեմն պետք է լինի այս դահլիճից դուրս։ Ընդդիմությունը լուսանցքում է հայտնվել։ Եթե մինչև տարեվերջ ընդդիամադիր պատգամավորները չվերադառնան, ու նրանց բացակայությունների թիվը թույլատրելի սահմանն անցնի, վստահ եմ, որ ՍԴ-ը ճիշտ որոշում կկայացնի, և նրանց կփոխարինեն այն պատգամավորները, որոնք հասկանում են, որ պատգամավորն Աժ-ում աշխատելու համար է»,-հավելել է ԱԺ նախագահը։
