Եթե խոսում են «խաղաղության պայմանագրի» նախաստորագրման մասին, ուրեմն, ենթադրաբար, մինչև ընտրությունները, մի թուղթ են տալու, որը իրավական հետևանքներ չի կարող ունենալ, և որը պարտավարություն չի նշանակում։ «Նախաստորագրել» բառը հերթական «գլուխ հարթուկելու» տերմինալոգիա է, որի մեջ ոչինչ չկա։ Իրեն հարգող մարդը չի կարող այդ տերմինաբանությունը լուրջ ընդունել. TV5-ին տվածհարցազրույցում ասաց ՀՀ երկրորդ նախագահ Ռոբերտ Քոչարյանը։
Ըստ նախագահի՝ կուլիսային բանակցություններում դեռ քննարկվում է «խաղաղության պահմանագիր», որը ենթադրում է դեռ մի քանի պայմանների կատարում, որը ադրբեջանցիները չեն անելու, մինչև չփոխվի Սահմանադրությունը, չլուծարվի Մինսկի խումբը։ Բայց, կապված նախընտրական պորցեսների հետ, կարող է «նախաստորագրվող» մի թղթի կտոր տան Հայաստանին՝ ընտրազանգվածի վրա ազդելու համար։
Ինչո՞ւ է «խաղաղության օրակարգի» դրոշի կրողը դարձել Նիկոլ Փաշինյանը։
«2018 թվականի հեղափոխությունը տեղի ունեցավ հետևյալ օրակարգերով՝ սոցիալական արդարություն, կոռուպցիայի դեմ պայքար, ժողովրդավարություն։
Այս երեք օրակարգերն էլ նա ձախողել է։ Հեղափոխության ժամանակ խաղաղության օրակարգ չի եղել։ Խաղաղություն եղել է, բայց «խաղաղության օրակարգ» չի եղել։ Փաշինյանը պատերազմ հրահրեց. նրա «ոչմիթիզական» ելույթներն ազգայնական առաջնորդի ելույթներ էին, բայց պատերազմում պարտվելուց հետո խաղաղության թեման ժողովրդի համար օրակարգային դարձավ։ Փաշինյանը բերեց պարտություն, և ինքն էլ իշխանության մնալու համար այդ պարտությունից առաջացած «խաղաղության օրակարգի» դրոշը իր ձեռքը վերցրեց»,- ասաց Քոչարյանը։
Այդ օրակարգով էլ նա 2021 թվականին վերարտադրվեց։ Սա իսկապես աբսուրդ է. նկատեց նախագահը։
