Հյուսիսային Իրաքում «Քուրդիստան» շրջանի նախագահ Մասուդ Բարզանին, հավանաբար Էրբիլում, ընդունել է ԱՄՆ-ի Կրոնական ազատությունների միջազգային հանձնաժողովիՙ USCIRF-ի նախագահ Nadine Maenza-ին եւ նրանք միասին լուսանկարվել են մասնատված Թուրքիայի քարտեզի առջեւ: Այդ մասին հունվարի 19-ի համարում տեղեկացնում է «TIMETURK»-ը: Փոքրիկ նյութ է, որտեղ փորձ է արվում ընթերցողի ուշադրությունը սեւեռել «մասնատված Թուրքիայի քարտեզի» վրա, ինչն արտացոլված է հենց վերնագրում: Քանի որ դա մեկնաբանության կարիքը չի զգում, ուստի թարգմանաբար նույնությամբ ներկայացնում ենք:
Ահա թե ինչ է գրած. «Հյուսիսային Իրաքի քրդական վարչակարգի նախագահ Բարզանին, ընդունելով ԱՄՆ-ում հանձնաժողովի նախագահ Maenza-ին, վերջինի հետ լուսանկարվեց «Ասիական Թուրքիայի նոր քարտեզի» առջեւ, որը հենց այդպես է անվանվել: Քարտեզում թուրքական տարածքները բաժանվել են մի քանի մասիՙ արեւելյան վիլայեթները կոչվում են Հայաստան, իսկ հարավ-արեւելյաններըՙ Քուրդիստան: Ամերիկացի հյուրին ընդունելուց հետո սռցցանցում արած գրառման մեջ Բարզանին նշել է, որ մեծ գոհունակությամբ է հյուրընկալել Nadine Maenza-ին, նրա հետ բազմաթիվ այլ հարցերի թվում քննարկել է նաեւ Քուրդիստանի ժողովրդի կրոնական ազատությունների հանդեպ վերաբերմունքին, հանդուրժողականության ավանդույթներին առնչվող խնդիրներ»:
