ԲԱՑԱՀԱՅՏԵԼՈ՞Ւ ԵՆ, ԹԵ ԿՈԾԿԵԼՈՒ

5

ՀՀ գլխավոր դատախազ Արթուր Դավթյանի խորհրդական Գոռ Աբրահամյանն ֆեյսբուքյան էջում գրել է, որ Ադրբեջանի ԶՈՒ 6 զինծառայողներին ՀՀ ԶՈՒ-ի կողմից գերի վերցված լինելու եւ հետո գաղտնի պայմաններում հետ հանձնելու վերաբերյալ հրապարակումները վերհանվել են ՀՀ գլխավոր դատախազությունում իրականացվող ԶԼՄ մշտադիտարկումների շրջանակում եւ ուղարկվել են վարույթն իրականացնող համապատասխան մարմինՙ ադրբեջանական ԶՈՒ-երի կողմից ՀՀ պետական սահմանը նոյեմբերի 14-ին ապօրինի հատելու եւ տարածքային ամբողջականությունը խախտելու դեպքի առթիվ ՀՀ Եղեգնաձորի կայազորի զինվորական դատախազությունում ՀՀ քրեական օրենսգրքի 329-րդ հոդվածի 2-րդ մասով եւ 300.2-րդ հոդվածի հատկանիշներով հարուցված քրեական գործի շրջանակներում ստուգելու, քննության առարկա դարձնելու համար:

Երեկ մամուլում տեղեկություն եղավ, որ նոյեմբերի 14-ին ՀՀ սահմանագոտու արեւելյան ուղղությամբ ադրբեջանական ԶՈՒ սադրանքի հետեւանքով տեղի ունեցած բախումների արդյունքում հայկական կողմը 6 ադրբեջանցի զինծառայող էր գերեվարել, այնուհետեւ հանրությունից գաղտնի վերադարձրել նրանց: