| Նոյեմբերի 10-ի-ին, ժամը 24-ին, Սյունիքի մարզումՙ Գորիս-Կապան ճանապարհին, ադրբեջանցիները ճանապարհային մաքսակետ են տեղադրել: Դրանից մի քանի ժամ առաջ ՀՀ Անվտանգության խորհրդի քարտուղար Արմեն Գրիգորյանը հայտարարություն տարածեց. «Այսօր ադրբեջանական կողմը հայկական կողմին տեղեկացրել է, որ այսօրվանիցՙ գիշերը 12-ից սկսած, Գորիս-Կապան ճանապարհի այդ հատվածում կիրականացվի սահմանային եւ մաքսային հսկողության գործառույթ, այսինքնՙ մաքսակետ կտեղադրվի, ուզում եմ հայտարարել, որ հայկական կողմը եւս համապատասխան քայլեր կձեռնարկի, այսինքնՙ ճանապարհի այդ հատվածում եւս կտեղադրի մաքսային եւ սահմանային հսկողության գործառույթներ իրականացնող կետեր»:Գրիգորյանը նաեւ հայտարարեց, որ Կապան-Տաթեւ այլընտրանքային ճանապարհը պատրաստ է ինչպես ապրանքներ տեղափոխելու, այնպես էլ այլ տեսակի ավտոմեքենաների երթեւեկության համար:Որքան էլ որ 2020-ի նոյեմբերի 9-ի համաձայնագրի ստորագրումից հետո այլեւս ոչինչ մեզ համար անակնկալ չէ, ու թեեւ այս մեկ տարվա ընթացքում Արցախից ու Հայաստանից մենք շարունակաբար թշնամուն ենք զիջել ռազմավարական նշանակության տարածքներ ու բարձունքներ, բայց վերջին հույսն էինք փայփայում, թե «Նիկոլը Սյունիքը հանձնելու է, կտեսնեք» հաճախակի հնչող «թեզը» միգուցե չիրականանա:Փաշինյանը բազում անգամներ է կրկնել. «Մենք տարածքներ նվաճելու մտադրություն չունենք»: Այդ հայտարարության տակ, իհարկե, հասկանում էինք, որ նա «տարածքներ» ասելովՙ նկատի ունի Ադրբեջանի հավակնությունները Հայաստանի ներկայիս սահմանների որոշակի հատվածների, հատկապես Սյունիքի նկատմամբ: Սա Ադրբեջանի ախորժակը բավարարելու առաջին փուլն է միայն, հետո գալու է Արարատի, Տավուշի, Գեղարքունիքի մարզերը բզկտելու եւ նոր տարածքներն Ադրբեջանին սկուտեղի վրա հրամցնելու հերթը:Փաստն այն է, որ Բարձրավանը, Որոտանը, Շուռնուխը հայտնվելու են շրջափակման մեջ, այլընտրանքային ճանապարհ դեռ կառուցված չէ: Կապանը, Մեղրին, Քաջարանը, Որոտանը անկլավ են դառնալու, իսկ առհասարակ Սյունիքն անպաշտպան վիճակում է, Փայլասարում էլ ադրբեջանցիները հայկական կողմի հաշվին նոր դիրքերի բարելավում են կատարել, որտեղից Կապանն ու մի քանի գյուղեր հայտնվել են իրենց նշանառության տակ, Գորիսի ընտրված քաղաքապետ Առուշ Առուշանյանն էլ կալանքի տակ է:Գորիս-Կապան ճանապարհին ադրբեջանական մաքսակետի մասին հայտարարեց նաեւ Փաշինյանըՙ կառավարության երեկվաՙ նոյեմբերի 11-ի նիստին: Հանգիստ, անվրդով հայտարարեց ու անցավ առաջ: Հայաստանի փոխոստիկանապետ Արա Ֆիդանյանը հայտարարել է, թե ավելի ուշ պարզ կլինի, թե ովքեր են Գորիս-Կապան ճանապարհին հայկական կողմից վերահսկողություն իրականացնելու: Իսկ ԱԽՔ Արմեն Գրիգորյանը կառավարության նիստից հետո հայտարարել է. «Սահմանագծման ու սահմանազատման աշխատանքներ դեռ չեն եղել, բայց մենք մոտավոր պատկերացում ունենք սահմանների մասին, որոնց հիմքը 1920-ականների քարտեզն է: Հայաստանի քաղաքացիները վճարի դիմաց հնարավոր է կարողանան անցնել Գորիս-Կապան ճանապարհի ադրբեջանական մաքսակետը»:Կառավարության նիստի ժամանակ ընդդիմությունը դրսում ցույց էր անում: «Հայաստան» խմբակցության պատգամավոր Գեղամ Մանուկյանը նոյեմբերի 10-ի ուշ երեկոյան էր կոչ արել հաջորդ օրն առավոտյան դուրս գալ փողոց: Մինչ ցուցարարները կգային, Կառավարության շենքը վաղ առավոտից շղթայել էին ոստիկանության զորքերը: Խիստ ուժեղացված հսկողությանը հակառակՙ ցուցարարները սակավաթիվ էին: «Դիմադրություն» կոչն այդպես էլ համազգային արձագանք չստացավ: |
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
ՍՅՈՒՆԻՔԸ ՀԱՆՁՆՎՈՒՄ Է ԱՌԱՆՑ ԴԻՄԱԴՐՈՒԹՅԱՆ
Լրահոս
Իրանը փակում է Հորմուզի նեղուցը, որովհետև Իսրայելը շարունակում է հարվածել Լիբանանին
Իրանը փակում է Հորմուզի նեղուցը՝ ի պատասխան Իսրայելի կողմից Լիբանանի դեմ շարունակվող ագրեսիայի։ Այս մասին տեղեկանում ենք Իրանի ԶՈւ Կենտրոնական...
Փաշինյանը ծանոթացել է «Կյանքի պուրակ»-ի կառուցման աշխատանքների ընթացքին
Նիկոլ Փաշինյանն այցելել է Երևանի բուսաբանական այգի, որտեղ ծանոթացել է «Կյանքի պուրակ»-ի կառուցման աշխատանքների ընթացքին: Վարչապետին ուղեկցել են Վարչապետի աշխատակազմի...
Ահա եկավ այդ «հնարավորությունը» դիմեք և ստացեք դրամաշնորհ թուրքական հետազոտական կենտրոնից. Հակոբ Ավագյան
.. հե՛յ, հայկական լիբերալ գործարար համայնք, ազատական և շատ խելոք փորձագետներ, ահա եկավ այդ «հնարավորությունը» դիմեք և ստացեք դրամաշնորհ թուրքական...
Մենք թույլ չենք տա, որ Եվրամիությունը՝ Ուրսուլա ֆոն դեր Լայենի գլխավորությամբ, աչք փակի այս ապօրինությունների վրա. Ամստերդամ
Այն, ինչ տեղի է ունենում Հայաստանում, իրավական և բարոյական բոլոր սահմանների խախտում է. գրել է միջազգային իրավաբան Ռոբերտ Ամստերդամը։ «Քաղաքական...
Թուրքիայի հավաքականը հաջորդ փուլ չի անցնի
2026 թվականի աշխարհի առաջնության D խմբում տեղի ունեցավ երկրորդ փուլի ևս մեկ խաղ։ Թուրքիայի ազգային հավաքականը հանդիպել է Պարագվայի ազգային...
Հայ սպային ողջ-ողջ դաստակները կտրած և գլխատած Մամեդովին Ալիևը պարգևատրել է «Արիության համար» մեդալով
Ինչպես արդեն հայտնել ենք, Մարդու իրավունքների եվրոպական դատարանը դատապարտեց 2016 թվականի ապրիլյան մարտական գործողությունների ժամանակ Արցախի պաշտպանության բանակի 6-րդ պաշտպանական...
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2026 «ԱԶԳ» վերլուծական