ՍԱՀՄԱՆՎԱԾ ԿԱՐԳԻ ԽԱԽՏՄԱՄԲ ՉԾԱՌԱՅԱԾՆԵՐԸ ԺԱՄԱՆԱԿ ՈՒՆԵՆ ՄԻՆՉԵՎ ԱՅՍ ՏԱՐՎԱ ԱՎԱՐՏ

Արտերկրում գտնվող 27 տարին լրացած ՀՀ այն քաղաքացիները, որոնք սահմանված կարգով զինծառայություն չեն անցել, միայն մինչեւ այս տարվա դեկտեմբերի 31-ը ժամանակ ունեն վերադառնալու Հայաստան, մուծելու սահմանված գումարներն ու ազատվելու քրեական պատասխանատվությունից: Այդ խնդիրը կանոնակարգող օրենքը կառավարությունը երկարաձգեց մինչեւ տարեվերջ, իսկ դրանից հետո այն չի գործելու: Խոսքն ընդհանուր առմամբ վերաբերում է 6 հազար մարդու, ներկա պահին` 2-3 հազարի: Այդ օրենքը թեեւ տնտեսական եւ ֆինանսական տեսակետից հիմնավորված է համարվել, բայց, ըստ պաշտպանության նախարար Դավիթ Տոնոյանի , խրախուսական բնույթ էր ձեռքբերել` չծառայելու իմաստով, խթանում էր Հայաստանը լքելով չծառայելը, անհավասար պայմաններ էր ստեղծում Հայաստանում ապրող ու ծառայող եւ ծառայությունից խուսափող անձանց միջեւ եւ այդ իմաստով արդարացված չէ: