| ԱՐԵՎԻԿ ՔԵՇԻՇՅԱՆ Նավթի գնման արգելք մայիսի 2-իցԱՄՆ նախագահ Դոնալդ Թրամփի վարչակազմում որոշել են չերկարաձգել պատժամիջոցների հարցում Իրանից նավթ գնող որոշ երկրների համար արված բացառությունը, որպեսզի Իրանին զրկեն եկամուտների կարեւոր աղբյուրից: Atlantic Council վերլուծական կենտրոնի փորձագետների կարծիքով, դա կարող է հանգեցնել նավթի գների բարձրացմանը եւ իրանական նավթ գնող երկրների համատարած դժգոհությանը:«Իրանի ապագա» նախաձեռնողական խորհրդի տնօրեն Բարբարա Սլավինը նշում է, որ Թրամփի որոշումը վնասում է հասարակ իրանցիների շահերին եւ անարդյունավետ է, քանի որ թույլ չի տալիս Իրանի վերադարձ բանակցությունների սեղանի մոտ:Սպիտակ տան ապրիլի 22-ի որոշման մեջ ասվում է, որ դրա նպատակն է իրանական նավթի արտահանությունը իջեցնել զրոյիՙ վարչակարգը զրկելով եկամուտների հիմնական աղբյուրից: Թրամփի վարչակազմը ընդգծում է, որ ԱՄՆ-ի հակաիրանական պատժամիջոցներից դուրս մնացած բոլոր երկրները զգալիորեն կրճատել են իրանական նավթի գները: Մասնավորապես, Իտալիան, Հունաստանը եւ Թայվանը ներմուծումը հասցրել են զրոյի:Պատժամիջոցների բացառությունը չեղարկելու որոշումը կվնասի հատկապես Թուրքիային, Հնդկաստանին ու Չինաստանին, կարծում է Բրենթ Սկոուքրոֆթի անվան միջազգային անվտանգության կենտրոնի ավագ գիտաշխատող Սուլտունը: Ըստ նրա, նկատի ունենալով F-35 ռազմօդանավերի համատեղ մշակմանը մասնակցելուց Թուրքիայի հրաժարումը, իրանական նավթի գնումների արգելքը դժվար թե Անկարային ստիպի հարմարվել Վաշիգտնոնին:Իրանական նավթի գնումների արգելքը գործելու է մայիսի 2-ից, այնպես որ այդ նավթից չհրաժարվող ամեն մի երկիր կբախվի ԱՄՆ-ի պատժամիջոցներին:Բեռնարգելքի պատճառով նավթի գները կտրուկ բարձրացել են: Նավթի շուկաների արձագանքը ցույց է տալիս, որ դրանք այնքան էլ պատրաստ չէին բեռնարգելքին: Վերջին տվյալները վկայում են, որ առաջարկը, ըստ երեւույթին, անբավարար է դարձել, ինչը դժվար թե հնարավոր լինի լրացնել մոտ ապագայում, գտնում է Սուլտունը:ԱՄՆ պետքարտուղար Մայք Պոմպեոն հայտարարարել է, որ Սաուդյան Արաբիան եւ ԱՄԷ-ն պարտավորվել են փոխհատուցել Իրանի նավթային մատակարարումների կրճատումը: Սակայն սաուդցիների նավթի նախարարի հայտարարությունը ցույց է տալիս, որ նրանց երկիրը չի շտապի օգտվել նավթի բարձր գներից նախքան սեփական մատակարարումների ընդլայնումը:ԹԹհ-ն տեղեկացնում է, որ Իրանը որեւէ ձեւով չի խախտել մի քանի տարի առաջ իր միջուկային ծրագրի շուրջ կնքված բազմակողմ համաձայնագիրը: Ատոմային էներգիյաի միջազգային կազմակերպությունըՙ ՄԱԳԱՏԷ-ն, նշում է, որ Իրանում գործում է ստուգումների խստագույն ռեժիմ, կազմակերպության տեսուչները 2016 թվականից ի վեր 11 անգամ համոզվել են, որ Իրանը կատարում է իր ստանձնած պարտավորությունները: Սակայն ԱՄՆ-ը իրանցիներին համալիր պահանջների փաթեթ է ներկայացնում: ԱՄՆ պետքարտուղար Մայք Պոմպեոն Իրանից պահանջում է Սիրիայում դադարեցնել Բաշար Ասադին ցուցաբերվող աջակցությունը, չօգնել եմենցի ապստամբներին եւ ուրիշ երկրներում գործող շիա ռազմականացված կազմավորումներին, «հրաժարվել Իսրայելի վրա ճնշում գործադրելուց եւ նրա գոյության իրավունքը մերժելուց»: Այսինքն, Թեհրանից պահանջում են լիովին վերանայել իր քաղաքականությունը Մերձավոր Արեւելքումՙ չափազանց ծանր իրավիճակ ստեղծելով իրանական դիվանագիտության համար:Այնպիսի տպավորություն է ստեղծվում, թե ամերիկացիները փորձում են կոշտ պատժամիջոցներով Իրանը տանել դեպի «արաբական գարուն»: Թուրքիան եւ Չինաստանը արդեն դատապարտել են ԱՄՆ-ի գործողությունները, բայց հայտնի չէ, թե ինչպես կվարվեն ապագայում: Հնդկաստանն առայժմ լռում է: Չնայած բեռնարգելքին, այդ երկիրը շարունակում է իրանական նավթ գնելՙ վճարելով հնդկական ռուփիով: Իսկ Սաուդյան Արաբիան եւ ԱՄԷ-ն ավանդաբար ամերիկամետ դիրք են բռնել:Իր հերթին, Իրանը սպառնում է շրջափակել ռազմավարական կարեւորություն ունեցող Օրմուզի նեղուցը, որտեղով իրականացվում է նավթի համաշխարհային փոխադրումների 20 տոկոսը: Դա տեղի կունենա, եթե իրանցիներին թույլ չտան արտահանել սեփական նավթը: Նման սպառնալիքներով երկիրը հանդես է գալիս ոչ առաջին անգամ:Ընդամենը մի քանի տասնյակ խարսխային ականների տեղադրումը նեղուցն անանցանելի կդարձնի արաբական նավթատար նավերի համար: Սակայն Օրմուզի նեղուցի ականապատումը կարող է հարուցել միջազգային ընկերակցության կոշտ հակազդեցությունը: Ականի վրա որեւէ նավթատար նավի պայթյունը կարող է բնապահպանական անդառնալի հետեւանքներ ունենալ:Գերմանիայի արտաքին քաղաքականության ընկերության աշխատակից Հենինգ Ռիկեն կարծում է, որ ԱՄՆ-ը Իսրայելի միջոցով կփորձի խարխլել ռուս-իրանական դաշինքըՙ օգտվելով տարածաշրջանում նրանց շահերի բախման հանգամանքից: Գերմանացի փորձագետը չի բացառում նաեւ հակառակը. «Թրամփը ճնշում է գործադրում Թեհրանի վրա, որի հետեւանքով աճում է Իրանի կախվածությունը Ռուսաստանից»: |
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
ԹՐԱՄՓԸ ՎՏԱՆԳԱՎՈՐ ԽԱՂ Է ՍԿՍԵԼ ԻՐԱՆԻ ԴԵՄ
Ամենաշատ ընթերցվածը
Կասկածելի հանգամանքներում հանկարծամահ է եղել Գևորգ Մելքոնյանը. Ռոման Երիցյան
Երեկ առավոտյան տեղեկացա պաշտպանյալիս՝ Գևորգ Մելքոնյանի կասկածելի հանգամանքներում հանկարծամահ լինելու մասին։ Գևորգ Մելքոնյանն այն անձն էր, ով ռուս բլոգեր Յուլիա...
ԿարդալDetails
Շատ ուշադրություն չդարձնեք վարչապետի ասածներին. նա Չինաստանից հալյուցինացիա առաջացնող սունկ է բերել, ուտում է. Սամվել Կարապետյան
«Ուժեղ Հայաստան» կուսակցության նախագահ Սամվել Կարապետյանն այսօրվա մամուլի ասուլիսի ժամանակ հայտարարեց՝ Նիկոլ Փաշինյանը հալյուցինոգեն սնկեր է ուտում։ Անդրադառնալով իր հասցեին...
ԿարդալDetails
«Սա միջամտություն չէ»․ Մակրոնի վտանգավոր ցինիզմը Երևանում. Սուրեն Սուրենյանց
Ֆրանսիայի նախագահ Էմանուել Մակրոնը Երևանում հանդես է եկել ևս մեկ ցինիկ հայտարարությամբ, որն այս անգամ վերաբերում է մեր երկրի ներքին...
ԿարդալDetails
«Ռոբերտ Քոչարյան. Ինչպես որ կամ» մեծ ֆիլմը՝ ամբողջությամբ
«Ռոբերտ Քոչարյան. Ինչպես որ կամ». ֆիլմ՝ անցած ճանապարհի, կյանքի սկզբունքների և ապագայի տեսլականի մասին
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2026 «ԱԶԳ» վերլուծական