| ԳԵՎՈՐԳ ԳՅՈՒԼՈՒՄՅԱՆ Արդեն երեք տասնամյակ շարունակ հայ-ադրբեջանական հակամարտության դիվանագիտական դաշտում Ադրբեջանը միշտ եղել է հայցվորի դերում, իսկ Հայաստանըՙ պատասխանողի: Ի՞նչ պահանջներ կարող ենք ներկայացնել Ադրբեջանին: Արդյո՞ք Արծվաշենի ու Նախիջեւանի պահանջն ստվերում չի մնացել: Այս եւ հարակից թեմաների մասին խոսեցինք քաղաքագետ Լեւոն Շիրինյանի հետ:«Հայաստանն ամեն րոպե պետք է Արծվաշենը դիտի որպես հայկական տարածք: Պարզ է, որ Ադրբեջանն այն սկուտեղի վրա մեզ չի մատուցելու, իսկ ռազմական միջամտությունն էլ վտանգավոր կողմ ունի, քանի որ այն անկլավային տարածք է: Դա նուրբ հարց է: Հիմա այնտեղ ադրբեջանցիներ են ապրում, եթե ռազմական միջամտություն լինի, դա դիտվելու է Ադրբեջանի տարածքային ամբողջականության խախտում: Կարծում եմ, եթե նոր իշխանություններն ամրանան իրենց դիրքերում, կարող են իրականացնել Արծվաշենի հետ կապված քայլեր, բայց մինչեւ խորհրդարանի ցրումն անիմաստ է խոսել դրա մասին»,- ասաց քաղաքագետը:Անդրադառնալով Նախիջեւանի խնդրին, Լեւոն Շիրինյանը նշեց.«Գուցե զարմանաք, բայց պետք է ասեմ, որ Արծվաշենն ու Նախիջեւանը բեւեռայնորեն տարբեր են: Նախիջեւանը ռուսների օրհնությամբ տրվել է Ադրբեջանին: Այդ տարծքների համար պետք է իրավական թղթածրար ստեղծվի: Օրեր առաջ վարչապետ Փաշինյանը խոսել է Նախիջեւանի մասին, բայց առանց թղթածրարի ոչինչ հնարավոր չէ անել: Պետք է իրավաբանորեն, միջազգային դատարաններում արվի ամեն ինչ: Այդ փաստատթղթերը պետք է ձեռքի տակ ունենալ ու անընդհատ գործածել: 1992 թ. ից ես ու Արգամ Այվազյանը տարին 2-3 անգամ խոսել ենք այդ մասին, բայց ո՞վ է լսել մեզ»:«Միջազգային հանրությունը չի կարող չընդունել մեր փաստերը, եթե դրանք պատշաճ դասակարգված լինեն, բայց միաժամանակ մենք պետք է պատրաստ լինենք ռազմական միջամտության, պարզ է, չէ՞, որ ոչ մի փաստաթուղթ Ադրբեջանին չի ստիպի հենց այնպես մեզ որեւէ տարածք զիջել: Բոլոր դեպքերում ամենահզոր փաստարկը զենքն է:Պետք է հասկանանք, որ Նախիջեւանիՙ Ադրբեջանի տարծքում մնալը Հայաստանի համար ամենամեծ վտանգներից մեկն է: Նախիջեւանի հարցը անպայման պետք է լուծվի հօգուտ մեզ, թեկուզ Նախիջեւանը, որպես ինքնավարություն ՀՀ տարածքում: Երբ միջազգային իրադրությունը մի փոքր վատանա, թուրքերը հենց այդ կողմով են ակտիվանալու: Չտեսնելը պրոբլեմի լուծում չէ», հավելեց քաղաքագետը:Մեր հարցին, թե արդյոք կարելի է Նախիջեւանն օգտագործել իբրեւ Արցախին հակակշիռ փաստ, Լեւոն Շիրինյանը պատասխանեց.«Ոչ, դրանք անհամեմատելի հարցեր են: Նախիջեւանը միջազգայնորեն ճանաչված ՀՀ առաջին հանրապետության տարածքից վերցրել են ու խնամակալությամբ տվել ադրբեջանցիներին, որից հետո էլ վերջիններս այն, որպես ԻՄ, կցել են Ադրբեջանին: Իսկ Արցախը խնդիրն առաջացել է բոլորիս հայտնի կեղծ քվեարկության արդյունքում: Հիմա շատ կարեւոր շրջան է, եւ մենք պետք է դիվանագիտության ասպարեզում անընդհատ խոսենք Նախիջեւանի մասին. սա անվտանգության լուրջ խնդիր է»: |
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
ՆԱԽԻՋԵՎԱՆԻ ՀԱՐՑԸ ԱՆՊԱՅՄԱՆ ՊԵՏՔ Է ԼՈՒԾՎԻ` ՀՕԳՈՒՏ ՄԵԶ
Ամենաշատ ընթերցվածը
Մեր զինվորը չպարտվեց, դու պարտվեցիր, դու՛․․․ այ՛ տղա. Աշոտ Մինասյան «Երկաթ»
Դու այս ի՞նչ արեցիր, այ՛ տղա, այս ի՞նչ արեցիր։ Գարնանային գիշերն անուշ փռվել է Արարատյան դաշտի վրա, իջել «Վարդաշեն» բերդի...
ԿարդալDetails
Ձեր նշած բազմաքաղաքացին մինչև տարեվերջ աղքատանալու է. Փաշինյանը ՝ Սամվել Կարապետյանի մասին
ԱԺ–ում տեղի ունեցած հարցուպատասխանի ժամանակ վարչապետ Նիկոլ Փաշինյանը հայտարարել է, որ գործարար, բարերար Սամվել Կարապետյանը մինչև տարեվերջ կորցնելու է իր...
ԿարդալDetails
Գրիգորի Խաչատուրովին կալանավորելու որոշում է կայացվել
Երրորդ բանակային կորպուսի նախկին հրամանատար, գեներալ-մայոր Գրիգորի Խաչատուրովի դեմ մեղադրական եզրակացությամբ նոր հայց է ներկայացվել։ Այս մասին տեղեկանում ենք Դատալեքս...
ԿարդալDetails
Օվերչուկն այցելել է բռնազավթված Կովսական
Ադրբեջանա-ռուսական միջկառավարական հանձնաժողովի անդամները ծանոթացել են բռնազավթված Արցախի Հանրապետության Քաշաթաղի շրջան Կովսական քաղաքում իրականացվող շինարարական և վերականգնողական աշխատանքներին: Ադրբեջանական APA-ն...
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2026 «ԱԶԳ» վերլուծական