ՌԱԿ ԳԵՐԱԳՈՒՅՆ ԽՈՐՀՐԴԻ ԱՆԴԱՄՆԵՐԻ ՀԱՆԴԻՊՈՒՄԸ ՀՀ ՎԱՐՉԱՊԵՏ ՓԱՇԻՆՅԱՆԻ ՀԵՏ
Սեպտեմբերի 26-ին Նյու Յորքում տեղի է ունեցել աշխատանքային այցով ԱՄՆ-ում գտնվող ՀՀ վարչապետ Նիկոլ Փաշինյանի եւ Ռամկավար Ազատական կուսակցության Գերագույն խորհրդի ներկայացուցիչների հանդիպումը:
ՌԱԿ պատվիրակության կազմում էր Գերագույն խորհրդի ատենապետ ՎարդանՆազիրյանը, անդամներՙ դոկտոր Արշավիր Գյոնջյանը, գրող, հրապարակախոս Հակոբ Վարդիվառյանը, Գեւորգ Մարաշլյանը:
Հանդիպման ընթացքում քննարկվել են վերջին ամիսներին Հայաստանում տեղի ունեցած քաղաքական փոփոխությունները, ինչպես նաեւ մեր երկրի որդեգրած բարեփոխումների ուղին:
ՌԱԿ պատվիրակները ՀՀ վարչապետի հետ զրուցել են նաեւ հայրենիքում կուսակցության կողմից առավել ընդգրկուն քաղաքականություն իրականացնելու հարցի շուրջ:
Քննարկվել են Հայաստան-Սփյուռք առավել ամուր համագործակցությանն առնչվող առաջնահերթ հարցեր:
