«Որպես հպարտ ներկայացուցիչը երկրի ամենամեծ հայկական համայնքի, մեծապես մտահոգված եմ Սակրամենտոյում իրականացվող ազերիական քարոզչությամբ: Հավատացած եմ, որ դրա դեմ պետք է ակտիվորեն պայքարել: Որպես օրենսդիր մարմին անհրաժեշտ է, որ միասնաբար կանգնեցնենք ոտնձգությունները մարդու իրավունքների դեմ», հայտարարել է սենատոր Էնթոնի Պորտանտինոն : Նա վերջերս Կապիտոլի իր գործընկերներին նամակ է ուղարկել պահանջելով վերջ դնել Ադրբեջանի կառավարության քարոզչական ջանքերին Սակրամենտոյում եւ Լոս Անջելեսում: Վերջին շաբաթներին «Կալիֆոռնիա-Ադրբեջան բարեկամության ասոցիացիան» բազմապատկել է իր քարոզչական աշխատանքները ամերիկացի քաղաքական գործիչների եւ մտավորականների շրջանում, իսկ անցյալ տարի Ադրբեջանը դեմ էր արտահայտվել «Կալիֆոռնիայի, Հայաստանի եւ Արցախի» հարցերով զբաղվող պետական կոմիտե ստեղծելու Պորտանտինոյի նախաձեռնությանը:
Պորտանտինոն 25-րդ շրջանային սենատն է ներկայացնում, Կալիֆոռնիա-Արցախ տնտեսական կապերը ընդլայնելու ջատագովներից է, եւ նախագահը վերոնշյալ «Կալիֆոռնիա-Հայաստան-Արցախ» կոմիտեի, որ մշակութային եւ առեւտրական փոխադարձ համագործակցություն է ծավալում:
«Օրենսդրական մարմինը պետք է դադարեցնի հարաբերությունները Ադրբեջանի նման երկրների հետ, մինչեւ հաշտեցման եզրերի որոնման փաստերի առկայությունը», եզրակացրել է Պորտանտինոն:
