| Պ.Ք Ինչպես եւ կարելի էր սպասել, Թեհրանը կոշտ դիրք է բռնել Երուսաղեմը Իսրայելի մայրաքաղաք ճանաչելու Դոնալդ Թրամփի որոշման կապակցությամբ: Անցյալ ուրբաթՙ դեկտեմբերի ութին, Իրանի մի շարք քաղաքներում բողոքի ցույցեր անցկացվեցին Թրամփի որոշման դեմ: Թուրքիայի հակազդեցությունը նույնպես չափազանց սուր էր: Նախագահ Ռեջեփ Թայիփ Էրդողանը հայտարարեց, որ Իսրայելն ահաբեկչական պետություն է: Թե՛ Իրանը, եւ թե՛ Թուրքիան մերժում են այն միտքը, թե Երուսաղեմն Իսրայելի մայրաքաղաքն է: Իրանը հայտարարեց իր դիմադրության քաղաքականության մասին, իսկ Անկարայում նշեցին, որ պայքարը կշարունակեն օրենքի շրջանակներում: Իրանն ու Թուրքիան վաղուց ուզում են թուլացնել Սաուդյան Արաբիան: Այժմ, երբ Մերձավոր Արեւելքում առաջին պլան է մղվում Երուսաղեմի հարցը, Սաուդյան Արաբիան պետք է վախենա, որ իրեն կմեղադրեն Իսրայելի հետ ջանքերը համակարգելու մեջ եւ այն բանում, որ Էր-Ռիադը պատրաստ է պարել Վաշինգտոնի նվագի տակ:Սաուդյան Արաբիային կարող են մեղադրել նաեւ այն բանում, որ սաուդյան կոալիցիան Եմենում արաբների արյուն է թափում: Դեկտեմբերի 10-ին Իրանի նախագահ Հասան Ռոհանին Էր-Ռիադին երկու պայման առաջադրեց, որոնցից կախված կլինի երկկողմ հարաբերությունների բարելավումը: Նախ եւ առաջ, Էր-Ռիադը պետք է դադարեցնի Իսրայելի առջեւ խոնարհվելը, եւ երկրորդ, հարկավոր է վերջ դնել Եմենի պատերազմին:Էրդողանի համար Երուսաղեմը դառնում է Վաշինգտոնին չենթարկվելու եւս մեկ հարթակ: ԱՄՆ-ի ճնշումը կարող է հանգեցնել Թուրքիայի եւ Իսրայելի երկկողմ հարաբերությունների խզմանը, նշում է «Ռեգնում» գործակալությունը: Անշուշտ, այդ դեպքում Էրդողանը հերոս կդառնա արաբական աշխարհում:Մերձավոր Արեւելքում ԱՄՆ-ի վարկն ու հեղինակությանը պատճառված վնասը, անկասկած, լուրջ հետեւանքներ կունենա Սիրիայի ճգնաժամի կարգավորման համար: Պատահական չէ, որ ՌԴ նախագահ Վլադիմիր Պուտինը դեկտեմբերի 11-ին Անկարա մեկնեց նախագահ Էրդողանի հետ բանակցելու:Էրդողանը զայրացած է այն փաստից, որ ամերիկացիները շարունակում են զենք մատակարարել քուրդ աշխարհազորայիններին: Թուրք բարձրաստիճան պաշտոնյաները քանիցս հայտարարել են, որ ԱՄՆ-ի նմանօրինակ գործողություններն անպատասխան չեն մնա: Թուրքիան, Ռուսաստանը, ինչպես նաեւ Իրանը բացեիբաց հանդես են գալիս Սիրիայում ԱՄՆ-ի ռազմական ներկայության դեմ: ՌԴ արտգործնախարար Սերգեյ Լավրովը բացառել է այն բանի հնարավորությունը, թե ԱՄՆ-ը կարող է ելք ունենալ դեպի Սիրիայի միջերկրածովյան ափ: Ընդհանուր առմամբ Թուրքիան, Ռուսաստանը եւ Իրանը վերջին հաշվով պետք է որոշեն, թե իրենք որքան ժամանակ կհանդուրժեն ԱՄՆ-ի ռազմական ներկայությունը Սիրիայում:Մի կողմից, Երուսաղեմի հետ կապված իրավիճակը տարածաշրջանում կթուլացնի Սաուդյան Արաբիայի դիրքերը: Մյուս կողմից, Սիրիայի խնդրի խաղաղ կարգավորումը հաջողության առավել մեծ հնարավորություններ կունենա, իհարկե, թուրք-ռուս-իրանական պայմաններով:Որպես կանոն, արաբական պետությունները սեւեռուն ուշադրություն են դարձնում Պաղեստինի հարցին: Ներկայումս տվյալ հարցում առաջնությունն առաջին անգամ անցնում է ոչ-արաբներիՙ թուրքերի եւ իրանցիների ձեռքը: Պաղեստինի հարցը ձեռք է բերել ավելի շատ մահմեդական, քան արաբական բնույթ: Այս պատմական անցումը նշանակում է Սաուդյան Արաբիայի դիրքերի զգալի թուլացում տարածաշրջանային քաղաքականության մեջ:Վերջին հաշվով ո՞վ շահող դուրս եկավ ԱՄՆ-ի դեսպանությունը Թել-Ավիվից Երուսաղեմ տեղափոխելու Թրամփի որոշումից: Հարցը թերեւս կարելի է անվանել հռետորական:Ներկա իրավիճակում Սիրիայում Իրանի ներկայությանը հակազդելու նպատակով Իսրայելի ամեն մի միջամտություն դառնում է գրեթե ինքնասպանական քայլ: Թուրքիան, Իրանը եւ Քաթարը, անկասկած, ըստ ամենայնի կաջակցեն «Համաս» խմբավորմանը որպես Պաղեստինի ժողովրդի իսկական ներկայացուցչին:Թուրքիայի նախագահ Էրդողանը խոստացավ, որ Իսլամական կազմակերպության գագաթաժողովի շրջանակներում ընդունվելիք ծրագրում կարտացոլվի, որ ԱՄՆ-ի դեսպանությունը Երուսաղեմ տեղափոխելու գործընթացը դժվար է լինելու: |
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
Ո՞Վ ՇԱՀԵՑ ԹՐԱՄՓԻ «ԵՐՈՒՍԱՂԵՄՅԱՆ» ՈՐՈՇՈՒՄԻՑ
Լրահոս
Արգենտինան եզրափակչում է
Արգենտինան եզրափակչում է։ Արգտենտինայի հավաքականը խաղի ավարտի վերջին րոպեներին անհավանականն արեց՝ 2 գոլ խփեց Անգլիայի դարպասին։ Աշխարհի առաջնության կիսաեզրափակչում Արգենտինայի...
«Շուրջ 20 հազար հայ ՀՌԳ – ում. 204 ճակատագիր՝ մեկ գրքում»
2026 թվականի հուլիսի 10-ին Մոսկվայում՝ Ռուսաստանի Դաշնության Հանրային պալատում, տեղի ունեցավ զինվորական լրագրող, պահեստազորի փոխգնդապետ Արամ Խաչատրյանի «Հայերի մասնակցությունը ՀՌԳ-ում»...
Դատարանն Ասկերանի քաղաքապետ Հայկ Շամիրյանի նկատմամբ կայացրեց արդարացման վերդիկտ
Արդարացում. ֆեյսբուքյան էջում գրել է փաստաբան Վահե Եփրիկյանը և շարունակել. Դատարանը՝ նախագահությամբ դատավոր Ա. Հովհաննիսյանի, ՀՀ քրեական օրենգրքի 43-236 -րդ...
Գագիկ Ծառուկյանը պետք է լիներ ոչ թե մեղադրյալ, այլ տուժողի դատավարական կարգավիճակով. Էմին Խաչատրյան
Իմ կողմից նախկինում Գագիկ Ծառուկյանին մեղադրանքը հերքող փաստաթղթերի հրապարակման շարունակություն. Պաշտպանության կողմը, համագործակցելով Իրանի Իսլամական Հանրապետությունում գործող գործընկեր փաստաբանների հետ,...
Խուզարկությունից հետո տարել են երեք անչափահաս երեխաներիս հեռախոսները. դե հո դատարկ դուրս չէ՞ին գալու տանից. Կարեն Սիմոնյան
Գյումրու ավագանու «Մայր Հայաստան» դաշինքի խմբակցության ղեկավար Կարեն Սիմոնյանն այսօր լրագրողների հետ զրույցում ասաց՝ իրավապահներն «աղմկահարույց» խուզարկության ընթացքում իր տանից...
Անկախական նկարիչը. Հայկազ Խաչատրյանի կտավների հետահայաց ցուցադրությունը՝ «Նարեկացի» արվեստի միությունում
«Նարեկացի» արվեստի միությունում տեղի ունեցավ «Հայկազ Խաչատրյան՝ անկախական նկարիչը» խորագրով կտավների հետահայաց ցուցադրության բացումը։ Հայկազ Խաչատրյանը ավարտել է Փանոս Թերլեմեզյանի...
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2026 «ԱԶԳ» վերլուծական