| ԱՆԱՀԻՏ ՀՈՎՍԵՓՅԱՆ, Գերմանիա Տարեցտարի աճում է մեր երկիր այցելող գերմանացիների թիվըՄայիսի կեսերին ուրախալի լուր տարածեց գերմանական «Լիդլ» դիսքաունթերը (անգլերեն discount – զեղչ բառից- Ան. Հ.), որ 2017- ի տվյալներով, մոլորակի 27 երկրում իրեն պատկանող 11 250 նույնանուն խանութների ցանցով աշխարհում ամենամեծ դիսքաունթեր կոնցեռն է. սեպտեմբեր- հոկտեմբերին «Լիդլը» իր ճամփորդական առաջարկների փաթեթում ընդգրկել է Հայաստանն ու Իրանը: Գովազդային պաստառում մեր հարեւան երկրի անունը, ենթադրաբար որպես մշակութային ծանրակշիռ ժառանգության կրողի, նշված էՙ Պարսկաստան: Դրացի երկու երկիր 13 օրյա ուղեւորությունը, որից 11-ը գիշերակացովՙ միջին դասի հյուրանոցում, օդանավային թռիչքը, այնուհետ ավտոբուսով ճամփորդությունը այդ երկրների տեսարժան վայրերով, յուրաքանչյուր անձի համար 1899 եվրո է կազմում, եթե ընտրված է սեպտեմբերի 25-ից հոկտեմբերի 7 ժամանակահատվածը, իսկ ուղեւորությունը հոկտեմբերի 14-ին նախընտրելու պարագայումՙ փաթեթն արժե 1999 եվրո:Գերմանիայից Երեւան թռիչքն իրականացվելու է հայտնի ավիափոխադրողի միջոցով, Գերմանիա վերադարձը Թեհրանից է լինելու: Որպես առավելություն նշված է Տաթեւիՙ աշխարհի ամենաերկար ճոպանուղով երթեւեկը, ճաշն ու ընթրիքըՙ հայկական ընտանիքներից մեկում:Ի դեպ տարեցտարի ավելի հաճախ ենք հանդիպում գերմանացիների, որ իրենց արձակուրդը գոնե մի անգամ նախընտրել են անցկացնել Հայաստանում: Հիացած պատմում են մեր երկրից ստացած անջնջելի տպավորությունների, իրենց տեսած բնության անձեռակերտ հրաշքների, ճարտարապետական բացառիկ կոթողների, քրիստոնեության հիմքերի, մարդկանց ջերմ ընդունելության, հյուրասիրության, համեղ խոհանոցի մասին: Զարմացած են, որ մի օրվա մեջ կարող են զգալ տարվա 4 եղանակների ներկայությունը, եթե չափեն հյուսիս-հարավն ու արեւմուտք-արեւելքը:Այս տպավորությունների մասին միգուցե հանգամանալից գրենք մեր առաջիկա հրապարակումներում, իսկ այսօրվա մեր դիտարկումները փորձենք շրջանակել տարբեր մարդկանց հետ մեր զրույցներում առկա ամենահաճախ շեշտվող ցանկություններով: Հայաստանյան հյուրանոցներում առավոտյան մատուցվող նախաճաշից մեծ մասամբ դժգոհ չեն, կամ չեն ուզում դժգոհել, փոխարենը շեշտում ենՙ սուրճն է քիչ: Մանավանդ Գերմանիայում այս տաք հեղուկն ըմպում են մեծ գավաթներով, Երեւանում էլ շատերին գիտեմ, որ վաղուց մոռացել են «հայկական սուրճի» մատնոց գավաթները: Երբ ծանոթ գերմանացի բարեկամներս խնդրել են մեկ թերմոս սուրճ դնել նախաճաշի սեղանին, աշխատակիցները մեկ շաբաթ շարունակ արհամարհել, ձեւացրել են, թե չեն լսել նման առաջարկ-խնդրանք: Ստեփանակերտի հյուրանոցներում նախաճաշը բավականին համեստ էՙ երկու տեսակ հացՙ լավաշ, մատնաքաշ, սպիտակ պանիր, կարագ, որոշ դեպքերումՙ նաեւ մեղր: Այնինչ կարելի է տարբեր պտուղների մուրաբան ու ջեմը ներկայացնել, գովազդել, մածուն, կանաչի ու բանջարեղեն, միրգ, չիր, ընդեղեն մատուցել: Եվ վերջինՙ թերեւս ամենակարեւոր խնդիրը, որ խոստովանեմՙ ամաչում եմ գրել. տեսարժան վայրերում, ճանապարհներին զուգարանների բացակայությունը: |
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
ԵՍ ԵՂԵԼ ԵՄ ՀԱՅԱՍՏԱՆՈՒՄ
Լրահոս
Վարդան Ղուկասյանի կալանքը 3 ամսով երկարաձգվեց
ՀՀ հակակոռուպցիոն դատարանում հանրային մեղադրողը միջնորդեց երկարաձգել Գյումրիի կալանավորված քաղաքապետ Վարդան Ղուկասյանի կալանքը եւս 3 ամսով։ Նշենք, որ այսօր ավարտվեց...
«Հայաստան» դաշինքը մանդատները կվերցնի ըստ հերթական համարների, բացի ՀՀ 2-րդ նախագահից
«Հայաստան» դաշինքը մանդատները կվերցնի ըստ հերթական համարների, բացի ՀՀ 2-րդ նախագահից: Այս մասին ArmeniaSputnik-ին ասաց «Հայաստան» դաշինքի պատգամավոր թեկնածու Ագնեսա...
Բյուրեղավան համայնքում աղիքային վարակի դեպքեր են արձանագրվել. ՀՀ ԱՆ
Բյուրեղավան համայնքում աղիքային վարակի դեպքեր են արձանագրվել: Հանրապետական շտապօգնության ծառայությունը գիշերվա ընթացքում ստացել է 15 կանչ, որից 6-ն ավարտվել է...
Թուրանի հեռանկարի երաշխիքը. Հակոբ Բադալյան
Թրիփը մեր երաշխիքն է, որ Թուրան չի լինելու։ Սա ասում է Հայաստանի ֆինանսների նախկին նախարար Լեւոն Բարխուդարյանը։ Հիշեցնեմ, ի դեպ,...
ԿԳՄՍՆ-ում նոր կադրային փոփոխություն. հերթը մյուս փոխնախարարինն է. «Ժողովուրդ»
«Ժողովուրդ» օրաթերթը գրում է. ««Ժողովուրդ» օրաթերթի տեղեկություններով՝ Կրթության, գիտության, մշակույթի և սպորտի նախարարությունում կադրային փոփոխությունների շարքը կարող է շարունակվել, և...
Ընտրողները զրպարտության համար դատի են տվել Փաշինյանին․ «Փաստինֆո»
Ընդդիմության օգտին իբրև ընտրակաշառքով քվեարկելու մասին Նիկոլ Փաշինյանի հայտարարությունները վիրավորել են քաղաքացիներին․ վերջիններս հերթով դիմում են դատարան՝ պահանջելով հերքել զրպարտությունը...
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2026 «ԱԶԳ» վերլուծական