ԷՐԴՈՂԱՆՆ ՈՒ ԱԼԻԵՎԸ ՀՈՒԶՎԵ՞Լ ԵՆ

Հ. Ա.

ՀՀ ԱԺ հանրապետական պատգամավոր Մարգարիտ Եսայանը անցյալ չորեքշաբթի օրը խորհրդարանի ամբիոնից կոչ է արել Իլհամ Ալիեւին դարձի գալ եւ քրիստոնյա դառնալ, քանի որ հիմա նա մուսուլման է: Այս կոչից հետո հայտնի դարձավ, որ Թուրքիայի նախագահ Էրդողանը պատրաստվում է այցելել Բաքու: Թուրքիայի նախագահի պաշտոնական կայքէջը այդ մասին ոչինչ չի ասել, բայց մենք հասկանում ենք, որ Էրդողանը Բաքու է այցելում ոչ թե քննարկելու Ալիեւի հետ երկու երկրների ռազմավարական համագործակցության ամրապնդման հնարավորությունները, այլ որովհետեւ նա Ալիեւի պես հուզվել-ազդվել է տիկին Եսայանի ելույթից եւ պատրաստվում է հենց Բաքվում Ալիեւի հետ երկուսով դարձի գալ եւ քրիստոնեա դառնալ: