Այս օրերին շրջանառվեցին մի շարք անուններ` Կարեն Անդրեասյանի հրաժարականից հետո մարդու իրավունքներ պաշտպանի թափուր մնացած պաշտոնի համար: Չենք նշի` ովքեր էին բարձրաձայնում այդ թեկնածությունները, այլ միայն թվենք այն անունները, որոնք հնչել են.Զարուհի Փոստանջյան, Ավետիք Իշխանյան, Արթուր Սաքունց, Հայկ Ալումյան, Վարդան Հարությունյան,Արտակ Զեյնալյան, Կարեն Բեքարյան…
Երեկ էլ ԱԺ պետաիրավական հարցերի հանձնաժողովի նախագահ Հովհաննես Սահակյանն ասել է, թե ՀՀԿ-ն թեկնածու ունի` արդարադատության փոխնախարար Արման Թաթոյանը: Իսկ թե կուզի՞ Թաթոյանն իր անցավ գլուխը ցավի տակ դնել` արդեն կիմացվի այսօր, ՀՀԿ խմբակցության նիստից հետո: Հիշեցնենք, որ այս շաբաթասկզբին Ազգայն ժողովը քննարկեց ու ընդունեց այդ պաշտոնում թեկնածու առաջադրելու կարգը, ըստ որի թեկնածուին հենց առաջադրելու է ԱԺ պետաիրավական հանձնաժողովը:
