Կառավարության երեկվա նիստում Սյունիքի մարզպետ կրկին նշանակվեց տխրահռչակ Սուրիկ Խաչատրյանը, որը հրաժարական էր տվել այդ պաշտոնից Բուդաղյան եղբայրների հետ ունեցած կոնֆլիկտի արդյունքում, որի ժամանակ Խաչատրյանի թիկնապահի կողմից սպանվեց Ավետիք Բուդաղյանը:
Դժվար չէ ենթադրել, որ Սուրիկ Խաչատրյանին կրկին մարզպետ նշանակելը միանշանակ բացասաբար կընդունվի հասարակության կողմից: Ընդհանրապես անընդունելի է վարկաբեկված մարդկանց կրկին բարձր պաշտոնի նշանակելու նախագահ Սերժ Սարգսյանի գործելաոճը: Երեւանի նախկին քաղաքապետ Գագիկ Բեգլարյանը, որ հրաժարական էր տվել այդ պաշտոնից դարձյալ անվայել պահվածի համար, որոշ ժամանակ անց նշանակվեց տրանսպորտի եւ կապի նախարար: Հիմա էլ Սուրիկ Խաչատրյանը…
