Երեւանի կենտրոնում՝ նորակառույց թաղմասում, ավելի քան 100 քառ/մ մակերեսով բնակարան ձեռք բերած ստեփանավանցի Սուրեն Պապիկյանը կամաց-կամաց մոռանում է շրջապատի մարդկանց, ընկերների համար դառնում անհասանելի, ձեռք բերում «պաշտոն ստացած, զարգացած» տիտղոսը:
Հրամանատարին դանակահարելու համար ծառայության ժամանակ դատապարտված պաշտպանության նախարարը, «Ազգ»-ի տեղեկություններով, այնքան է տարվել աթոռի փառքով, որ ժամանակներ առաջ չի ընդունել ընկերոջը: «Ոչ միայն ընկերն է եղել, այլեւ՝ իր դասախոսը…Իրեն բավական մտերիմ մարդ: Քարտուղարուհու մոտ սպասել-սպասել է՝ մոտ վեց ժամ, բայց «բազմազբաղ» պարոն «ընկերը» չի ընդունել իր հետ աղուհաց կիսած մարդուն: Դե հասկանում եք՝ մարդկային ի՜նչ որակների մասին է դա խոսում»,- ասաց մեր զրուցակիցը:
Ի դեպ, նախարարություն մուտք գործելն ու նախարարի մոտ հասնելը հենց այնպես, միանգամից չի լինում: Դրա համար պետք է նախապես գրանցվել, ապա միայն համալիր զննություն անցնելուց հետո՝ ներս մտնել: Հետեւաբար, կարելի է ենթադրել, որ հանդիպումը նախապես համաձայնեցված է եղել, բայց պարոն «բազմազբաղը» ազատ րոպե անգամ չի ունեցել:
ՍԵՎԱԿ ՎԱՐԴՈՒՄՅԱՆ
