ԳՈՒՅԺ. Բախտիար Հովակիմյան
Երեկ Լեւոն եւ Լուսիկ Հովակիմյանները մեր թերթին խոր վշտով տեղեկացրեցին իրենց սիրելի հայրիկի` ԲԱԽՏԻԱՐ ՄԱՐԴԱՆԻ ՀՈՎԱԿԻՄՅԱՆԻ մահը:
Խմբագրությունս խորապես վշտակցում է նրանց: Բախտիար Հովակիմյանը հայ թատրոնի եւ թատերագիտության պատմության ապրող լավագույն մասնագետն էր անկասկած: Երկար տարիների անխոնջ պրպտումների արդյունքում բազմաթիվ գրքեր է հեղինակել նա, մենագրություններ, հոդվածներ: Այդ բնագավառում «քայլող հանրագիտարան» էր նա: Մեզ համար մեծ պատիվ էր, որ նույնիսկ առաջացած տարիքում շարունակում էր աշխատակցել մեր թերթին, հոդվածները, ընդհանրապես ձեռագիր, անձամբ բերելով խմբագրություն: Կարոտելու ենք նրան:
Իսկական կորուստ է նրա մահը բոլորիս համար:
