Շախմատի աշխարհի չեմպիոն Վիշվանաթան Անանդին ոչ մի կերպ չի հաջողվում առավելության հասնել Մագնուս Կառլսենի նկատմամբ ու վերջապես առաջին հաղթանակը տոնել: Մրցախաղի 8-րդ պարտիան էլ, որում սպիտակներով խաղում էր Կառլսենը, 34-րդ քայլին ոչ-ոքի ավարտվեց:
8 տուրից հետո Մագնուս Կառլսենը մրցախաղը շահում է 5-3 հաշվով: Աշխարհի չեմպիոնի տիտղոսը նվաճելու համար Կառլսենին անհրաժեշտ է մնացած 4 պարտիաներում ընդամենը 1,5 միավոր վաստակել:
Այսօր մրցակիցները հանգստանում են, իսկ վաղը կկայանա 9-րդ պարտիան, որում սպիտակներով կխաղա Անանդը:
