ՀԱՅ ՇԱԽՄԱՏԻՍՏՆԵՐԸ ՄԻՋԻՆ ԴԻՐՔԵՐՈՒՄ ԵՆ
Հնդկաստանի Չեննայ քաղաքում ընթացող շախմատի մրցաշարի 6-րդ տուրն անհաջող էր Սամվել Տեր-Սահակյանի եւ Լեւոն Բաբուջյանի համար, որոնք պարտվեցին համապատասխանաբար Չիթամբարամ Արավինդին ու Ռիշի Սարդանային: Հայ շախմատիստները 6 հնարավորից 4 միավոր են վաստակել:
Տուրը հաջող էր Վահե Բաղդասարյանի համար, որը հաղթելով Նաֆիսա Մումինովային, վաստակեց 4 միավոր: 3,5-ական միավոր ունեն Տիգրան Ս. Պետրոսյանն ու Կարինա Համբարձումովան: 3 միավոր է վաստակել Հովիկ Հայրապետյանը, 1,5ՙ Մարիա Գեւորգյանը:
5,5-ական միավորով աղյուսակը գլխավորում են Գուջրաթի Վիդիթն ու Միխայիլ Մոժարովը:
