Որեւէ երկրի համար կարեւոր նշանակություն ունի դրամական միավորի առկայությունը: Հայաստանի անկախացումը հնարավորություն տվեց ունենալ նաեւ սեփական դրամական միավոր: Դրամը մեր երկրի հպարտության կարեւորագույն գործոններից է: Սակայն ոչ միշտ ենք այն ճիշտ օգտագործում: Շատ հաճախ թղթադրամի վրա կարելի է տեսնել զանազան գրառումներ եւ այլն: Անհրաժեշտ է մտածել այս մասին եւ լրջորեն վերաբերվել մեր դրամին որպես մեծագույն արժեք:
Եկեք մտորենք այս հարցի շուրջը: Դրամի հետ անփույթ վարվելու դեպքում նրանք շատ շուտ շարքից դուրս են գալիս: Արդյունքում առաջ է գալիս նոր թղթադրամ տպագրելու կարիք: Բնական է, որ առայժմ այն տպագրվում է արտասահմանում եւ իրենից նյութական արժեք է ներկայացնում: Գոյություն ունի նաեւ հարցի բարոյական կողմը: Այն ոչ պակաս կարեւոր է: Կարծում եմ ճիշտ կլիներ ,որ հատկապես պատանիների շրջանումՙ դպրոցներում եւ բուհերում, որոշակի բացատրական աշխատանքներ կատարել:
Կարեւոր է նաեւ, որպեսզի այս հարցին անդրադառնան նաեւ զանգվածային լրատվամիջոցները: Անհրաժեշտ է մտածել նաեւ անկանխիկ ձեւով գնումներ կատարելու հարցի մասին: Այս դեպքում հնարավորություն կունենանք որոշ չափով մեղմացնել դրամի արագ մաշվելու վիճակը:
