«Ես քեզ հարց եմ տալիս, Նիկոլ Փաշինյան․ հենց այսօր կանգնիր և ասա, թե ինչ ես բանակցում: Եթե քո բանակցածով մենք պետք է հանձնենք անկլավները, ապա դու մեկ րոպե ավել այդ պաշտոնին մնալու իրավունք չունես։ Եթե դու նման բան ես մտադիր անել, ապա դու գոյություն չունես ընդհանրապես ու պետք է հեռանաս։
Այն, ինչ տեղի է ունենում, Նիկոլ Փաշինյանի թուլության, տգիտության, բոբիկության արդյունքն է, ուրիշ բան չկա։ Հայաստանի ղեկավար լինելը Փաշինյանի հագով չէր, այսօր էլ չի և չի կարող լինել։ Նա չունի այդ կարողությունը, նա չունի այդ ունակությունը»,- ֆեյսբուքյան տեսաուղերձում հայտարարել է ՀՀ ԱԳ նախկին նախարար Վարդան Օսկանյանը։
