Զելենսկին Բայրամովին շնորհակալություն է հայտնել Ուկրաինա գնալու և իրենց աջակցելու համար
Ես ընդունեցի Ադրբեջանի արտաքին գործերի նախարար Ջեյհուն Բայրամովին։ Սա նախարարի առաջին այցն է Ուկրաինա՝ Ռուսաստանի լայնածավալ ներխուժումից ի վեր. X էջում գրել է Ուկրաինայի նախագահ Վլադիմիր Զելենսկին։
Նա նշել է, որ Ջեյհուն Բայրամովն իր այցը սկսել է Իրպին քաղաքում, որտեղ այցելել է դպրոց, հիվանդանոց և վերականգնողական կենտրոն, որը գործում է Ադրբեջանի աջակցությամբ։
«Ցանկանում եմ իմ անկեղծ երախտագիտությունը հայտնել ձեզ՝ Ուկրաինա գալու և մեզ աջակցելու համար մեր երկրի և մեր ժողովրդի համար այս դժվարին ժամանակներում։ Շնորհակալություն մեր ժողովրդի հետ ձեր համերաշխության համար», – հավելել է Զելենսկին։
Զելենսկին Ադրբեջանի արտգործնախարարին տեղեկացրել է «Ռուսաստանի կողմից Ուկրաինայի վրա շարունակվող հարձակումների, Սև ծովում տիրող իրավիճակի և Ռուսաստանի կողմից հացահատիկային միջանցքների շրջափակման մասին»: Կողմերը նաև քննարկել են բարձր մակարդակի շփումները, պաշտպանական գործընկերությունը, ինչպես նաև տնտեսական համագործակցությունը էներգետիկայի, նավթի և գազի, ինչպես նաև գյուղատնտեսության ոլորտներում:
