Բունդեսթագի նախկին պատգամավոր, Ադրբեջանից 2016-ին 21.800 եվրո կաշառքի դիմաց նրա շահերի սպասարկու քրիստոնյա-դեմոկրատ Աքսել Ֆիշերի՝ 2025-ի ապրիլին անջատված մասով դատավարությունը հոկտեմբերի 6-ին վերսկսվելուն պես կրկին հետաձգվել է: Ֆիշերը ներկայացել է կես ժամ ուշացումով, իսկ նրա կինը, որ վերջինիս շահերի պաշտպանն է, չի ներկայացել՝ պատճառաբանելով, թե ծանուցումը չի ստացել: Կոռուպցիայի դեմ պայքարի Թրանսփերենսի կազմակերպությունը տագնապ է հնչեցնում, քանի որ նկատելի է Ֆիշերի պաշտպանական կողմի՝ դատավարությունը ձգձգելու մարտավարությունը, նպատակը՝ վաղեմության ժամկետի ավարտը: Մյունխենի երկրամասային գերագույն դատարանը խորհրդակցությունից հետո ստիպված է եղել հետաձգել նիստը: Առաջիկա նիստը հոկտեմբերի 20-ին է:
ԱՆԱՀԻՏ ՀՈՎՍԵՓՅԱՆ
Լուսանկարում՝ Աքսել Ֆիշերը երկուշաբթի, հոկտեմբերի 6-ին Մյունխենի դատարանի դահլիճում: Լուսանկարը՝ SWR-ի picture-alliance / Reportdienste Picture Alliance
