Մեքսիկացի փորձագետները գրանցել են ավելի քան 800 ցնցում 7,1 մագնիտուդ ուժգնությամբ երկրաշարժից հետո, որը տեղի էր ունեցել երկրի հարավ-արևմյան Գեռերո նահանգում սեպտեմբերի 7-ին: ՏԱՍՍ-ի փոխանցմամբ՝ այս մասին Twitter-ում հայտնել է Ազգային սեյսմոլոգիական ծառայությունը:
Հետցնցումներից ամենահզորի ուժգնությունը 5,2 մագնիտուդ էր։
Ըստ Գեռերոյի իշխանությունների՝ աղետից զոհվել է երեք մարդ, այդ թվում՝ 14-ամյա դեռահաս: Հազարավոր տներ են վնասվել, գույքային վնաս է հասցվել մոտ 15 հազար մարդու: Նահանգը դաշնային կառավարությունից խնդրել է արտակարգ ռեժիմ սահմանել 20 համայնքներում՝ աղետների հետևանքների վերացման և քաղաքացիների օգնության գործընթացն արագացնելու համար:
