Թուրքիայի նախագահ Ռեջեփ Թայիփ Էրդողանը կարծում է, որ Կիպրոսի կարգավորման հարցով հաջորդ գագաթաժողովը, որը մի քանի ամիս անց կանցկացնի ՄԱԿ-ի գլխավոր քարտուղար Անտոնիու Գուտերեշը, ապարդյուն կլինի: Ըստ կիպրական O Phileleftheros թերթի կայքի, Թուրքիայի առաջնորդն այդ մասին ասել է ուրբաթ օրը Ստամբուլում աղոթքից հետո:
Նա այդպիսի արդյունքի հարցում մեղավոր է համարում հունա-կիպրական կողմին: «Ես չեմ վստահում Կիպրոսի հույներին: Նրանք երբեք իրենց ազնիվ չեն պահել», ասել է Թուրքիայի ղեկավարը:
Խոսելով գագաթաժողովի մասին՝ նա ավելացրել է. «Հիմա այն հետաձգվել է 2-3 ամսով, բայց ես նորից չեմ հավատում, որ ինչ-որ արդյունք կլինի, քանի որ նրանք [կիպրացի հույները] ազնիվ չեն»:
