ԱՄՆ պետքարտուղար Էնթոնի Բլինկենը հայտարարել է, որ Աֆղանստանի նախկին նախագահ Աշրաֆ Ղանիի հետ խոսել է վերջինիս՝ երկրից փախչելուց մեկ օր առաջ, և Ղանին պատրաստակամություն էր հայտնել մինչև վերջ պայքարել թալիբների դեմ:
«Մենք զրուցեցինք նրա հետ Դոհայում կատարված աշխատանքի, իշխանության փոխանցման և այն մասին, որ այն չստանալու դեպքում, ինչպես նա ասաց ինձ մեկնելուց մեկ օր առաջ, ինքը պատրաստ է պայքարել մինչև մահ: 24 ժամից պակաս ժամանակահատվածում նա հեռացավ Աֆղանստանից», – ասել է Բլինկենը աֆղանական Tolo News հեռուստաալիքին տված հարցազրույցում:
Նա ընդգծել է, որ ԱՄՆ-ը չի իմացել Ղանիի ծրագրերի մասին և չի նպաստել նրա փախուստին երկրից:
«Ոչ, մենք, իհարկե, ոչինչ չենք ձեռնարկել դրան աջակցնելու համար», – ասել է պետքարտուղարը:
