Մեր ազգային ողբերգության ամենա-ամենասիմվոլիկ բնութագիրը

Իրավապաշտպան Ռուբեն Մելիքյանը գրում է.

Այսօրվա լրահոսը մեր ազգային ողբերգության ամենա-ամենասիմվոլիկ բնութագիրն էր։

ՄԻ ԿՈՂՄԻՑ, ՄԻՊ Արման Թաթոյանը և իմ գործընկեր, իրավապաշտպան Սիրանուշ Սահակյանը մի առ մի, փաստ առ փաստ ներկայացնում էին մեր գերիների նկատմամբ ադրբեջանական վայրագությունները, օրինակ`

— թքում էին հացի մեջ ու տալիս ուտելու

— մատը դնում էին վերքին ու ծեծում-ջարդում էին

— սառնամանիքին կապկպում էին, պատուհանները բացում էին ու թողնում էին թեթև հագուստով չոր գետնին քնելու

— 10 վայրկյան էին տալիս հաց ուտելու համեր, հետո ձեռքներից առնում էին սնունդը

— ստիպում էին պարել իրենց երաժշտության տակ

— էլի հազար անմարդկային վայրագություն

ՄՅՈՒՍ ԿՈՂՄԻՑ գերագույն ստահակը հայտարարում է ինչ-որ «գունագեղ տոնակատարության» մասին՝ նվիրված մեր նահատակներին։

Գնահատականներն ավելորդ են։