«3+3» ձևաչափով հաջորդ հանդիպումները կարող են անցկացվել Երևանում և Բաքվում։ Այս մասին այսօր Երևանում հայտարարեց ՌԴ ԱԳ նախարար Սերգեյ Լավրովը։
Նա ընդգծեց, որ զգալի ներուժ է տեսնում «3+3» ձևաչափի զարգացման մեջ՝ հիշեցնելով, որ արդեն իսկ այացել են նախարարական 2 հանդիպում Թեհրանում և Ստամբուլում։
Ըստ ռուսաստանցի բարձրաստիճան պաշտոնյայի՝ առաջին երկուսի արդյունքներով որոշակի լավատեսություն կա հարթակի ապագայի վերաբերյալ, որն ունի բոլոր նախադրյալները՝ դառնալու տարածաշրջանում խաղաղության և կայունության ամրապնդման, տնտեսական, տրանսպորտային կապերի և հարուստ մշակութային ավանդույթների հենարան։
Հաջորդ հանդիպումները ցանկանում են հյուրընկալել Հայաստանը և Ադրբեջանը։ «Նրանք կարող են պայմանավորվել միմյանց հետ, որպեսզի հաջորդ երկու միջոցառումները տեղի ունենան Հայաստանի և Ադրբեջանի մայրաքաղաքներում», – նշեց Լավրովը։
