Վրաստանի պաշտպանության նախարար Իրակլի Չիկովանին մեկնաբանել է ԱՄՆ-ից և ԵՄ-ից Վրաստանին տրամադրվող ռազմական օգնության դադարեցումը։
Պաշտպանության նախարարը նշել է, որ այս որոշումը անհասկանալի է և ցավում է Վրաստանի համար։
Նա հույս է հայտնել, որ ԵՄ-ն և ԱՄՆ-ն մոտ ապագայում կփոխեն իրենց որոշումը։
Իրակլի Չիկովանին հավելել է, որ ԱՄՆ-ը դադարեցրել է Վրաստանի հետ ամենամյա զորավարժությունները, սակայն երկու երկրների համագործակցությունը շարունակվում է մի շարք այլ ձևաչափերով։
Ռազմական ոլորտի ղեկավարը հույս է հայտնել, որ ԵՄ-ն կվերանայի Խաղաղության հիմնադրամից Վրաստանին հատկացվող միջոցները սառեցնելու որոշումը։
Ինչպես ավելի վաղ տեղեկացրել ենք, ԱՄՆ-ն անորոշ ժամկետով դադարեցրել է Վրաստանի հետ «Noble Partner 2024» համատեղ զորավարժությունները։ ԵՄ-ն սառեցրել է Վրաստանի պաշտպանության ոլորտին տրամադրվելիք 30 մլն եվրոյի փոխանցումը, ինչի պատճառը Վրաստանի խորհրդարանի կողմից իշխող կուսակցության առաջարկած «Օտարերկրյա գործակալների մասին» օրենքի ընդունումն է։
