«Հայաստան» համահայկական հիմնադրամի նախկին նախագահ, «Հայաստան» դաշինքի անդամ Արա Վարդանյանը ֆեյսբուքյան իր էջում գրել է․ «Երեկ գեներալ-գնդապետ Մովսես Հակոբյանը հարցազրույցի ընթացքում հայտարարեց, որ չարաբաստիկ նոյեմբերի 9-ի փաստաթուղթը ունի նաև դեռևս հանրությանը չբացահայտված մաս։ Ավելին, նա պնդեց, որ եթե բոլոր մանրամասները հրապարակվեն, ապա դժվար թե Նիկոլը կարողանա տուն հասնել։
Սա ոչ այլ ինչ է, քան Նիկոլի կողմից ևս մեկ պետական դավաճանություն կատարելու մասին նոր հաղորդում։
Սպասում եմ վերը նշվածի վերաբերյալ ՀՀ Դատախազության, ԱԱԾ-ի և այլ իրավապահ մարմինների արձագանքին։
Կոծկելով պետական դավաճանությունը դուք ևս դառնում եք պետական դավաճան…»:
Հիշեցնենք, որ Tert.am-ի տաղավարում, «Հարցազրույց Բեթղեհեմ Արաբյանի հետ» հաղորդման ժամանակ ՀՀ ԶՈՒ գլխավոր շտաբի նախկին պետ Մովսես Հակոբյանն ասել է. «Մինչև խաղաղության պայմանագիր չլինի, ոչ մի դելիմիտացիա–դեմարկացիա չի լինելու, աշխարհում այդպես է։ Նոյեմբերի 9–ի փաստաթուղթը մաս–մաս իրագործվում է և տեղեկացվում, որովհետև փաստաթուղթը շատ վատն է, որովհետև եթե այդ փաստաթուղթն ամբողջությամբ բացահայտեն, ես չեմ կարծում, որ Հայաստանում երկրի ղեկավարը կկարողանա մտնել իրենց տուն»։
