Մարդ արարածը դեռ վերահսկողություն չունի կլիմայի նկատմամբ, հետևաբար Ռուսաստանը ոչ մի կապ չունի ԱՄՆ-ում անոմալ սառնամանիքների հետ:
Այդ մասին հայտարարել է Արտաքին և պաշտպանական քաղաքականության խորհրդի նախագահության անդամ Ալեքսանդր Լոսևը ՝ պատասխանելով ԱՄՆ Կենտրոնական հետախուզական վարչության կասկածներին: Հակառակ դավադրության տեսաբանների մտավախություններին՝ կլիմայական զենք այս պահին գոյություն չունի, ասել է նա:
«Միլիարդավոր տոննա օդային և օվկիանոսային զանգվածներ տեղափոխելու համար ավելի շատ էներգիա է անհրաժեշտ, քան Ռուսաստանի միջուկային զենքի ամբողջ պաշարն է և մեր էլեկտրակայանների արտադրած ամբողջ ջերմային ու էլեկտրական էներգիան», Լոսևին է մեջբերում Газета.ru-ն:
