Ուկրաինայի արտաքին գործերի նախարարություն են հրավիրվել այն պետությունների դիվանագիտական առաքելությունների ղեկավարները, որոնց երկրների առաջնորդները Մոսկվայում մասնակցել են Հայրենական մեծ պատերազմում տարած Հաղթանակի 80-ամյակին նվիրված շքերթին ու դեմարշ է հայտնել դիվանագետներին։ Այս մասին հայտնում է Ուկրաինայի ԱԳՆ-ն։
ԱԳ նախարարի առաջին տեղակալ Սերգեյ Կիսլիցյան հայտարարել է, որ 2022 թվականից ի վեր տեղի ունեցող լայնածավալ ռազմական գործողությունները հաշվի առնելով, Կիևը Կարմիր հրապարակում տոնակատարություններին օտարերկրյա պետությունների բարձրաստիճան պաշտոնյաների մասնակցությունը համարում է անբարյացակամ քայլ։
Գերատեսչությունը կարծում է, որ նրանց ներկայությունը միջոցառմանը «ոչ մի կապ չունի Երկրորդ համաշխարհային պատերազմի զոհերի և հերոսների հիշատակը հավերժացնելու հետ»։
Հիշեցնենք, որ մայիսի 9-ի շքերթին մասնակցելու համար Մոսկվա են մեկնել ավելի քան 20 օտարերկրյա առաջնորդներ, այդ թվում՝ Հայաստանի վարչապետ Նիկոլ Փաշինյանը։ Մայիսի 9-ին Մոսկվայում կայացած տոնակատարությունների ժամանակ Սլովակիայի վարչապետ Ռոբերտ Ֆիցոն և Սերբիայի նախագահ Ալեքսանդր Վուչիչը Պուտինի միակ հյուրերն էին Եվրոպայից՝ պետական ղեկավարների մակարդակով։
