Հունվարի 19-ի գիշերը Գեղարքունիքի մարզի Ազատ գյուղի տարածքում գտնվող զինվորական կացարանում բռնկված հրդեհը խլել է 15 ժամկետային զինծառայողի կյանք, ևս 3 զինվոր ծանր վիճակում է։
Ու Դատախազությունը հաղորդագրություն է հրպարակում, թե դեպքի վայր են մեկնել Սևանի կայազորի զինվորական դատախազության դատախազները և ՀՀ ՔԿ ԶՔԳՎ 5-րդ կայազորային քննչական բաժնի քննիչները, նաև ՀՀ զինվորական դատախազ, ՀՀ գլխավոր դատախազի տեղակալ Գրիգոր Էլիզբարյանը:
Պաշտպանության նախարար Սուրեն Պապիկյանը չի մեկնել դեպքի վայր։ 15 զինվոր է մոխրացել, գիշերվա ժամը 2-ին զինվորական կացարանում բենզինով վառարան են վառել, իսկ Սուրեն Պապիկյանը մնացել է Երևանում։
Հենց միայն այս փաստը բավական է՝ արդեն հազարերոդ անգամ ապացուցելու, թե Փաշինյանի կառավարությունն ինչպես է վերաբերվում զինվորին, բանակին, երկրին, պետությանը։
Սա այն դեպքն է, երբ իրեն գերագույն գլխավոր հրամանատար հռչակած վարչապետը ևս պետք է անձամբ լիներ դեպքի վայրում։ Նա գիշերը պետք է մեկնած լիներ Ազատ գյուղ, ոչ թե առավոտյան, Կառավարության նիստին իրեն ու իր նշանակած կադրերին ապահովագրեր պատասխանատվությունից, թե՝ ԳՇ պետը դեկտեմբերի 21-ին ստորագրել է հրաման, ըստ որի՝ պետք է բանակում պահպանվեն հակահրդեհային կանոններ, պետք է վառարան վառելու համար բենզին չօգտագործվի։
Այսինքն՝ ես ի՞նչ անեմ, մենք ի՞նչ մեղք ունենք, ըհը, ԳՇ պետքն էլ հո համապատասխան հրաման է ստորագրել, իսկ թե ինչու նրա ստորագրած հակահրդեհային կանոնները չեն պահպանվել, փեր խնդիրն է։
Մեկ էլ մի քանի պաշտոնազրկումներ, ու Փաշինյանի կառավարությունը ԳՇ պետի ստորագրած հրամանով իրեն ձերբազատեց 15 զինվորի մոխրանալու մեջ մեղքի բաժին ունենալուց։
Նաիր Յան
