Թրամփը մտահոգված է, որ երրորդ համաշխարհային պատերազմը կարող է սկսվել առաջիկա ամիսներին
Հանրապետական կուսակցությունից ԱՄՆ նախագահի թեկնածու Դոնալդ Թրամփը մտավախություն է հայտնել, որ ամերիկյան կառավարությունը ղեկավարող դեմոկրատների քաղաքականության պատճառով առաջիկա չորս ամսում կարող է սկսվել երրորդ համաշխարհային պատերազմ։
«Իմ մտահոգությունն առաջիկա երեք-չորս ամիսների համար այն է, որ մենք կհայտնվենք համաշխարհային պատերազմի մեջ այն մարդկանց պատճառով, որոնք ունենք կառավարությունում», – ասաց նա Կալիֆորնիայում իր կողմնակիցների հանրահավաքում: Հանրահավաքը հեռարձակել է պահպանողական RSBN մեդիա ընկերությունը։
Թրամփը կրկին խոստացել է, որ նախագահական ընտրություններում հաղթելու դեպքում կկարողանա լուծել Ուկրաինայի հակամարտությունը, ինչպես նաև «կասեցնել քաոսը Մերձավոր Արևելքում»։
