Գալիս է ամենավճռական պահը.Արամ Վարդևանյան
Գալիս է ամենավճռական պահը, ամենակարևոր պահը՝ այսպես ՀՀ գլխավոր դատախազության շենքի դիմաց, որտեղ Արցախյան 44-օրյա պատերազմում զոհված զինծառայողների հարազատները, քաղաքական գործիչները և պարզապես քաղաքացիները պահանջում են ձերբակալել Նիկոլ Փաշինյանին, հայտարարեց «Հայաստան» խմբակցության պատգամավոր Արամ Վարդևանյանը։
Խուզարկությունների ու կալանավորումների մասով.
«Ասել, որ միայն այս կառույցն է մեղավոր, ազնիվ չի լինի։ Այնտեղ կան քննչական մարմին, դատարաններ, բայց նաև՝ այս կառույցը։ Չի կարող Հայաստանում լինել մի կառույցը, որը, հրաժարվելով իր անկախությունից, պարզապես ծառայում է մի մարդու։ Դատախազությունն ունի բոլոր լիազորությունները Նիկոլ Փաշինյանին ձերբակալելու մասով։ Ի՞նչն է խանգարում, որ դատախազը կայացնի Նիկոլ Փաշինյանին ձերբակալելու որոշումը»,- հարց հնչեցրեց Վարդևանյանն ու որպես հիմնավորում մեջբերեց Փաշինյանի ԱԺ-ում արված հայտարարությունը․
«Այսօր ասում են կարող էինք կանխել պատերազմը, կարող էինք կանխել պատերազմը, որի արդյունքում կունենայինք նույն իրավիճակն, իհարկե առանց զոհերի»։
Նրա խոսքով ՝ այս հայտարարությունից անցել է մեկ ամիս, սակայն Փաշինյանը դեռևս ձերբակալված չէ։
«Ազնվորեն չեմ պատկերազնում, թե ոնց կարող է հայ մարդը, թիվ մեկ պատասխանատուն ու մեղավորը նման բառեր ասել։ Ախր սթափ մարդը ոնց կարող է տենց բան ասել։ Բայց դրանից հետո , արդեն մեկ ամիս է անցել, այդ անձը ձերբակալված չի։ Լինելո՛ւ է ձերբակալված ՝ պայքարի արդյունքում»,- հավելեց նա։
Վարդևանյանն հիշեցրեց, որ՝ Դատախազությունը սահմանադրության ուժով բացառիկ անկախություն ունեցող կառույց է։
«Իրեն որևէ հրապարակի շենքից չեն կարող ինչ-որ բան թելադրել։ Դրա համար պահանջվում է կամք, վճռականություն՝ ձերբակալելու Նիկոլ Փաշինյանին ու ապօրինի կալանավորումները վերացնելու։ Հերի՛ք եղավ»,- ասաց քաղաքական գործիչը։
