Հայոց Նարեկացին
Նարեկացին սյուն է, որը Շեքսպիրի, Դանթեի, Հոմերոսի նման երկինք է պահում։ Այս աշխարհում Նարեկացին հայերի համար հսկայական տարածություն կստեղծի…Նա Արարատ է. սովորական ալպինիստի չի հանձնվի:
Մեժելայտիս
2018 թվականին Վատիկանում հանդիսավոր արարողությամբ բացվեց միջնադարի միստիկ բանաստեղծ և փիլիսոփա Գրիգոր Նարեկացու արձանը: Արձանի հեղինակը Հայաստանի ժողովրդական նկարիչ, քանդակագործ Դավիթ Երևանցին է, ճարտարապետը` Միքայել Հասրաթյանը: Իսկ այս տարի Նարեկացու հուշարձանը տեղադրվեց Լեհաստանի Święta Góra Polanowska վանական համալիրի տարածքում: Հուշարձանի հանդիսավոր բացումը կայացավ հունիսի 5-ին, բացման խոսքով հանդես եկան Լեհաստանում ՀՀ դեսպան Սամվել Մկրտչյանը և Լեհաստանի հայ առաքելական եկեղեցու հոգևոր հովիվ Տարոն արքեպիսկոպոս Գուլիկյանը: Հուշարձանի հեղինակը Գրիգոր Ասլանյանն է, ում Լեհաստանում Հայաստանի դեսպանության անունից հանձնվեց շնորհակալագիր: Խաչքար-հուշարձանից քիչ հեռու ևս մեկ հուշարձան կանգնեցվեց` նվիրված Հայոց ցեղասպանության 101-րդ տարելիցին:
Աղբյուրը ՝ Լեհաստանում Հայաստանի դեսպանություն / Ֆեյսբուք Օտարները Նարեկացու մասին.
▪ Կյանքը և մահը, ահա Նարեկացու բանաստեղծական դրամայի երկու հերոսները։ Ինքը այդ երկուսի արանքում է։ Հանճարի մատները նա դնում էր մարդու և մարդկության վերքերի վրա: Լև Օզերով
▪ Հայերենն իր ճոխությամբ, ճկունությամբ, իմաստաբանական հազարերանգ առումներով փայլատակել է Գրիգոր Նարեկացու «Մատյան ողբերգության» պոեմում, պոեմ, որ նման է փիլիսոփայական խարհրդածությունների մի փառահեղ տաճարի: Ժան Պիեռ Մահե
▪ Եվ որքան շատ էի կարդում, այնքան բռնվում էր շունչս։ Վրա էր հասել կյանքի այն երջանիկ պահերից մեկը, երբ կախարդվում ես ու հպարտանում մարդկային հանճարով:
Մեժելայտիս
