ՀՀ վարչապետի նախկին խորհրդական, ավիատոր Հակոբ Ճաղարյանը ֆեյսբուքյան իր էջում գրել է․
Կարդացի Fly Armenia Airways ավիաընկերության տեղեկատվությունը, համաձայն որի իրենց օդանավը Տալլինից թռիչք է կատարել Կիևի հոստոմել օդանավակայան, տեխնիկական սպասարկում կատարելու, և անհայտ պատճառներով հայտնվել է Թեհրանում….
Ստորև ներկայացնում եմ Կիևի և Թեհրանի միջև ընկած հեռավորությունն ըստ travelmath մասնագիտական ծրագրի: Ուղիղ գծով այն կազմում է 2346 կմ, պարոնայք, երկու հազար երեք հարյուր քառասունվեց կիլոմետր: Ոչ ավել, ոչ պակաս:
Եվ թռիչքային ժամանակը կազմում է 3 ժամ և 25 րոպե: Ուղիղ գծով: Եվ այդ տարածությունը, ըստ ավիաընկերության, օդանավն անցել է առանց տարանցիկ երկրների պարտադիր թույլտվությունների՞, առանց նախորոք հայտարարագրված թռիչքային պլանի՞…
Ավելացնեմ, որ Կիևի Հոստոմել օդանավակայանը հանդիսանում է «Անտոնով» ֆիրմայի թռիչքային-փորձարարական կենտրոնը: Որը, համաձայն իմ աղբյուրի, ՉԻ ՍՊԱՍԱՐԿՈւՄ Բոինգ տիպի օդանավեր (!!!):
Հենց նոր հեռախոսազրույց եմ ունեցել «Անտոնով» կոնցեռնի բարձրաստիճան պաշտոնյայի հետ: Նրա տեղեկություններով, համենայն դեպս, Բոինգ օդանավի սպասարկում օդանավակայանում չի կատարվում:
Երկրորդ հղումը Fly Armenia-ի տեղեկատվությունն է:
Ու Քաղաքացիական ավիացիայի Կոմիտեյի հետ 4-րդ օրը դեռ «հետաքննություն են անց կացնու՞մ»…ՀԳ: Արձագանքներում տեղեկություն ստացա, որ Հոստոմելի օդանավակայանում կա Բոինգ սպասարկող տեխնիկական ընկերություն:
Վաղը կճշտեմ օդանավակայանի ղեկավարության հետ և կտեղեկացնեմ:
