Ֆրանկֆուրտ.- 2023 թվականի հոկտեմբերի 18-ից 22-ը տեղի ունեցավ գրքի 75-րդ հոբելյանական տոնավաճառը՝ Frankfurter Buchmesse 2023-ը, որը մի քանի տասնամյակ շարունակ մնում է աշխարհի ամենամեծ գրքի տոնավաճառը: 2021 թվականից 3 տարի անընդմեջ միջոցառումն անցկացվում է համակցված ձեւաչափով՝ միաժամանակ գործում են ինչպես գրքի ավանդական տաղավարները Մայնի Ֆրանկֆուրտում (Գերմանիա) ցուցահանդեսային համալիրում, այնպես էլ ցուցահանդեսի վիրտուալ տարածքում ներկայացված առցանց տաղավարները:
Ֆրանկֆուրտի գրքի տոնավաճառը գրքի ամենամեծ եւ ամենաներկայացուցչական միջոցառումն է աշխարհում: Ցուցահանդեսը տեղի է ունենում ամեն տարի հոկտեմբերի կեսերին: 2023 թվականին կայացել է ավելի քան 4000 ցուցահանդես 130 երկրից, այցելել է ավելի քան 215000 այցելու, որոնցից ավելի քան 110000-ը՝ գրքի ոլորտի պրոֆեսիոնալ ներկայացուցիչներ՝ գրավաճառներ, գրահրատարակիչներ, լրագրողներ, գրքի ոլորտի փորձագետներ: Այսօր Ֆրանկֆուրտի տոնավաճառը շարունակում է մնալ հանրահռչակման, գիտության, հեղինակային իրավունքի օգտագործման եւ լիցենզիաներ ձեռք բերելու աշխարհի ամենակարեւոր հարթակը:
Միջոցառումն ավանդաբար լայն լուսաբանում է ստանում ամբողջ աշխարհում եւ ակտիվ հետաքրքրություն առաջացնում համաշխարհային հանրության շրջանում: 2023 թվականին ցուցահանդեսը լուսաբանել են ավելի քան 7000 լրագրողներ ամբողջ աշխարհից, ցուցահանդեսի ընթացքում տեղի են ունեցել 2600 տարբեր միջոցառումներ՝ կլոր սեղաններ, քննարկումներ, շնորհանդեսներ:
Ձեր գրքի համառոտագիրը ներառվել է Frankfurter Buchmesse 2023 կատալոգում (18-22 հոկտեմբերի, 2023 թ.):
Հաշվի առնելով անվանի գիտնական, Հայկական էներգետիկական ակադեմիայի հիմնադիր նախագահ, Ռուսաստանի բնագիտության ակադեմիայի պրոֆեսոր, «Ազգ»-ի երկարամյա աշխատակից Ստեփան Պապիկյանի կատարած գիտական աշխատանքների արդիականությունը, գիտական եւ մանկավարժական մեծ փորձը, նրա աշխատությունների ամփոփագրերը ներառվել են Frankfurter Buchmesse 2023 կատալոգում (18-22 հոկտեմբերի, 2023 թ.):
Հարկ է նշել,որ Ս.Պապիկյանը հեղինակ է շուրջ 300 գիտական աշխատությունների եւ բազմաթիվ մենագրությունների: Նրա գիտական աշխատանքները դեռեւս Խորհրդային Միության տարիներին ներդրվել են Մոսկվայի էներգահամակարգում եւ բազմաթիվ կազմակերպություններում: Նա համաշխարհային ճանաչման արժանացած վաստակաշատ գիտնական է:
