| Օգոստոսի 15-ի թալիբների հաղթական մուտքը Քաբուլ հավակնում է դառնալ տարածաշրջանի վերջին տասնամյակի գլխավոր աշխարհաքաղաքական իրադարձություններից մեկը: Հավանական է, որ ժամանակը մոռացության կմատնի թալիբների կայծակնային հաղթարշավի մասին պատմող բացահայտված ու չբացահատված էջերը, ԱՄՆ-ի եւ նրան աջակցած դաշնակիցների նկատմամբ թալիբների վրեժխնդրությունների դաժան տեսարանները, փանջշերյան դիմադրության շարժման առաջնորդ, Աֆղանստանի ազգային հերոս Ահմադշահ Մասուդի որդու սխրանքները, միջազգային հանրության վերաբերոմունքն ու գործադրած քայլերը: Բայց սերունդները չեն մոռանա Քաբուլի օդանավակայանից երկինք բարձրացած ամերիկյան ինքնաթիռից մի քանի աֆղան երիտասարդների վայր ընկնելու սահմռկեցուցիչ տեսարանները:Հավանաբար տեղի ունեցածը կհիշվի որպես մեր տարածաշրջանում մի տարաբախտ ժողովրդի «ազգակերտման» կամ Աֆղանստանում «ժողովրդավարության» հաստատմանն ուղղված ԱՄՆ գործադրած ջանքների ձախողում:Երբ Խորհրդային Միությունն Աֆղանստանում իր «ինտերնացիոնալ պարտքը» կատարելիս անփառունակ պարտությունից հետո ետ էր քաշվում, Սպիտակ տունը ցնծության մեջ էր: Այժմ, երբ ամերիկացիներն են շատերի համար անհասկանալի եղանակով նահանջում, հավանաբար կրեմլաբնակներն են բերկրանքի պահեր ապրում:Այո, պատմությունն անակնկալներ մատուցելու հարցում մրցակից չունի: Եվ հայտնի չէ, թե մի քանի տարի անց ո՞վ, ո՞ւմ պարտության համար է ցնծալու կամ ողբալու: Առայժմ միայն կարող ենք փաստագրել բազում հետեւանքներով հղի ԱՄՆ խայտառակ պարտությունը, որից, ամենայն հավանականությամբ, անմասն չեն մնալու ո՛չ միայն Աֆղանստանի հետ սահմանակից ու այդ երկրի հետ ընդհանուր շահեր ունեցող պետությունները, այլ նաեւՙ Հայաստանը:Եթե Երեւանը ճշգրիտ հաշվարկներով ամրագրված քայլեր չձեռնարկի, հավանական է, որ Հայաստանի հետ դիվանագիտական հարաբերություններ չունեցող երկրների թվին կավելանա նաեւ Պակիստանի քաղաքական ազդեցությունը կրող եւ Թուրքիայի հետ հատուկ հարաբերությունների հաստատման եզրին կանգնած թալիբների ապագա պետությունը:Անկախ մեր հարեւան Իրանի հետ թալիբների ապագա հարաբերություններից, Թեհրանն ունենալու է քաղաքակրթական այլ կերտվածքով օժտված Երեւանի հետ հարաբերությունները հավասարակշռելու հարցում նոր կարգավիճակով քաղաքական ասպարեզ իջնող Քաբուլի կամայականությունների հետ հաշվի նստելու հրամայականը, ինչը հարեւան Իրանի հետ քաղաքական խորհրդակցություններ անցկացնելու նոր ասպարեզ է բացում Երեւանի առջեւ:Անկախ Աֆղանստանի հարցում ԱՄՆ պարտության պատճառով Հայաստանի դաշնակից ՌԴ խանդավառությունից, անհնար է անտեսել Ռուսաստանի առանցքայնությամբ ձեւավորված ՀԱՊԿ-ին անդամակցող Տաջիկստանի համար Աֆղանստանում ընթացող դրամատիկ իրադարձությունները եւ վերջիններիս սպառնացող վտանգներին Հայաստանիՙ որպես կազմակերպության ռոտացիոն կարգով ապագա նախագահողի անհաղորդ լինելը:Այո, հրատապ լուծումներ պահանջող բազում հիմնահարցերից բացի, այսօր Հայաստանը պետք է կողմնորոշվի նաեւ աշխարհին միջազգային ճանաչման հայցով ներկայացած Աֆղանստանի հետ հարաբերակցվելու բարդ ու պատասխանատու հարցում:Եվ ամենակարեւորըՙ Հայաստանը պետք է դասեր քաղի դաշնակցային պարտավորություններից հրաժարվելու նախադեպերից ու կարեւորի ոչ թե ուրիշների ձեռքին գործիք դառնալու, այլ ճկուն դիվանագիտության շնորհիվ գործոն դառնալու եւ սեփական ուժին ապավինելու ֆենոմենը: |
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
ԱՖՂԱՆՍՏԱՆԸ ԵՎ ՀԱՅԱՍՏԱՆԻ ԴԱՍԵՐԸ
Լրահոս
Ընդդիմադիր ուժերին ընտրողները զրպարտության համար դատի են տվել Փաշինյանին
Ընդդիմության օգտին իբրև ընտրակաշառքով քվեարկելու մասին Նիկոլ Փաշինյանի հայտարարությունները վիրավորել են քաղաքացիներին․ վերջիններս հերթով դիմում են դատարան՝ պահանջելով հերքել զրպարտությունը...
Հարգելի դեսպաններ, այսօր դուք կանգնած եք բարոյական լուրջ ընտրության առջև՝ ում հետ եք համագործակցում և ում եք աջակցում Հայաստանում. Զարուհի Փոստանջյան
ՀՀ-ում Ռուսաստանի Դաշնության դեսպան՝ պարոն Սերգեյ Կոպիրկինին ՀՀ-ում ԱՄՆ դեսպան՝ տիկին Քրիստինա Քվինին ՀՀ-ում Եվրոպական միության պատվիրակության ղեկավար՝ պարոն Վասիլիս...
Փաշիստական իշխանությունների կողմից ժողովրդի նկատմամբ իրականացվող ամենազզվելի բաներից մեկը թուրքերի և ադրբեջանցիների հանդեպ վախի մշտական գեներացումն է. Արման Աբովյան
Վախն ու սարսափը սրանց համար դարձել են յուրաքանչյուր հայի անհատականությունն ու կամքը կոտրելու գործիք՝ փորձելով հայերին վերածել վախեցած, սարսափից դողացող...
Գագիկ Ծառուկյանի մոր՝ Ռոզա Ծառուկյանի առողջական վիճակը կտրուկ վատացել է
Կտրուկ վատացել է Գագիկ Ծառուկյանի 93-ամյա մոր՝ Ռոզա Ծառուկյանի, առողջական վիճակը: Պատճառը խուզարկության ժամանակ որդու նկատմամբ կիրառված անօրինական բռնությունն է:...
Ալեն Սիմոնյանն արձակուրդ է գնացել
Հուլիսի 13-ից օգոստոսի 2-ը ներառյալ 8-րդ գումարման Ազգային ժողովի նախագահ Ալեն Սիմոնյանը գտնվելու է ամենամյա արձակուրդում: Այդ ժամանակահատվածում Ազգային ժողովի...
199 մլն 500 հազար դրամ՝ Վարդավառի համար. բոլորը՝ մեկ մարդու պես, ներկա գտնվել Հանրապետության հրապարակում
«Հրապարակ» թերթը գրում է. «Մեր տեղեկություններով, պետական գերատեսչությունների աշխատողներին, հատկապես Երեւանի քաղաքապետարանի եւ թաղապետարանների աշխատակիցներին հորդորել են կիրակի՝ հուլիսի 12-ին,...
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2026 «ԱԶԳ» վերլուծական