«FUTURE ARMENIAN INITIATIVE»-Ըՙ ՀԱՅԱՍՏԱՆԻ ՆԵՐՔԱՂԱՔԱԿԱՆ ՆՈՐՈՒՅԹԸ

Շվեյցարական INFOsperber կայքը Հայաստանի առաջիկա ընտրությունների վերաբերյալ ծավալուն հոդված է հրապարակել: Հեղինակ Ամալյա վան Գենթը մայիսի 29-ին ներկայացրել է մեզ հայտնի փաստերՙ մասնավորաբար ՀՀ առաջին նախագահ Լեւոն Տեր-Պետրոսյանիՙ իրեն հաջորդած երկու նախագահներին վարչապետի պաշտոնակատար Նիկոլ Փաշինյանի դեմ պայքարում հաղթելու նպատակով միավորվելու առաջարկը, որ մերժվել է: Լրատվամիջոցը երկար անդրադարձում շեշտադրել է տեսանելի մի նորույթ: Սփյուռքի 4 գործարարներ Ռիչարդ Ազարնիայի (Ֆրանսիա), Արթուր Ալավերդյանի (Հայաստան), Նուբար Աֆեյանի (ԱՄՆ) եւ Ռուբեն Վարդանյանի (Ռուսաստան) «Future Armenian Initiative»-ի կյանքի կոչված ծրագիրը, որ հայկական զինուժիՙ աշխարհի արդի զենքերով վերակազմավորելու նպատակն ունի: Անկախությունից ի վեր առաջին անգամ է, որ սփյուռքը երկրի ներքաղաքական իրավիճակը փոխելու համար ձեռքն այդքան խորն է գրպանը տանում, եզրակացնում է շվեյցարացի հեղինակը: