| Հինգ տարին դեռ չլրացած իմ տղա թոռնիկը երեկ դրսում խաղը մի պահ թողնելով, հեւիհեւ եկել, տատին հարցրել էր. «Տատի՜կ, մենք անվադող ունե՞նք. էնտեղ մեծ տղաներ են եկել, հավաքում են, որ դիրքերըՙ մեր զինվորներին ուղարկեն»: Հետո արդեն տանը, տեսնելով, որ «չունենք», իր խաղալիք ավտոմեքենաների անիվների բոլոր ռետինե «դողերը» հանել, շարել էր…Այս օրերին բոլորիս մտքերն ու հայացքները բնականաբար ուղղված են նույն կողմը… Բոլորի քայլերն էլ միտված են գեթ ինչ-որ բանով մեր բանակին, մեր արդար հաղթանակին մի նպաստ բերելուն: Հազիվ դեռահաս տղեկներ թաղից թաղ ընկածՙ անվադողեր են ոգեւորությամբ հավաքում ու աշխատում ուղարկել, երիտասարդ տղաներն ու աղջիկները քաղաքի տարբեր մասերում զբաղված են քաղցրավենիքի, սննդամթերքի ստվարաթղթե արկղերի պարունակության համալրման լուրջ գործով, շատերը դիմում են արյուն հանձնելու, ուրիշներն էլ ազգային հիմնադրամին փող փոխանցելու մասին են մտածում: Իսկ մեծ թվով երիտասարդ ու ոչ երիտասարդ մարդիկ լցրել են զինկոմիսարիատների բակը, կամավոր են գրվում…Այս ամբողջ հուզիչ ու հպարտություն հարուցող համապատկերում, սակայն, կարծես թե սկսում է մոռացվել դեռ տիրող համավարակի վտանգը: Մարդկանց դեմքերին ավելի ու ավելի հաճախ արդեն չենք տեսնում դիմակները:Ի դեպ, մինչ այս էլ հեռուստատեսությունների եւ այլ միջոցների համապատասխան քարոզչությունում մի բաց պետք է նշել: Հեռուստաէկրանների մի անկյունում գրվող «Կրիր դիմակ, փրկիր կյանքեր» կարգախոսը լավ է, բայց թերի է: Բացի նրանից, որ գնալով ավելի շատերի համար դիմակն ընդամենը դնչկալ կամ դնչազարդ է դարձել, որը ոչ մի բանի չի ծառայում, նաեւ ըստ էության մոռացվում է միջանձնային («սոցիալական») հեռավորություն պահելու խնդիրը: Կարծում ենքՙ անհրաժեշտ է հեռուստաէկրանի կարգախոսն էլ լրացնել ու գրելՙ «Կրիր դիմակ, հեռավորություն պահպանիր, փրկիր կյանքեր»:Այս օրերին քաղաքի փողոցներում էլ գուցե հասկանալի պատճառներով թուլացած հսկողության պայմաններում նույնպես մարդկանց զգոնությունը որոշ չափով թուլացել է, ու դա վատ է: Իսկ թագավարակով հիվանդացածների թվի այժմ նկատվող աճի պայմաններում որքան վտանգավոր է կամավոր գրվող-գնացողների անզգուշությունն ու երկրորդ ահեղ թշնամի վարակի դեմ չպաշտպանվածությունը: Աստված չանի, որ նրանք միմյանց վարակեն ու վարակի աղբյուր դառնան այս դաժան պատերազմում կենաց-մահու կռիվ մղող մեր բանակի համար… |
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
ԲԱՅՑ ՀԱՄԱՎԱՐԱԿԻՑ ՊԱՇՏՊԱՆՎԵԼՆ ԷԼ ՄԻ՛ ՄՈՌԱՑԵՔ
Լրահոս
Ռուս դիվանագետները ծաղիկներ են խոնարհել Հաղթանակի զբուսայգու Անմար կրակի մոտ
Հայաստանում ՌԴ դեսպան Սերգեյ Կոպիրկինը և ռուսական դեսպանության ներկայացուցիչները ծաղիկներ են խոնարհել Երևանի Հաղթանակի զբոսայգու Անմար կրակի մոտ՝ ի հիշատակ...
Ընտրությունների արդյունքները բողոքարկող 7 կուսակցությունների դիմումները ՍԴ-ը կքննի հունիսի 26-ին
Սահմանադրական դատարանը 2026 թ. հունիսի 21-ի աշխատակարգային նիստում քննության է ընդունել ««Ուժեղ Հայաստան» կուսակցությունների դաշինքի, «Միասնության թևեր» կուսակցության, «Դեմոկրատիա Օրենք...
Համախմբման առաջարկ. Լևոն Զուրաբյան
21 հունիս 2026թ. Ադրբեջանի հետ շուտափույթ խաղաղության հաստատման համար իբր անհրաժեշտ սահմանադրական մեծամասնության ստեղծման պատրվակով Նիկոլ Փաշինյանի ռեժիմը սկսել է...
Իրանական պատվիրակությունը, ի նշան Թրամփի սպառնալիքների դեմ բողոքի, լքել է հանդիպման վայրը
Բանակցություններին մասնակցող իրանական պատվիրակությունը լքել է հանդիպման վայրը՝ ի նշան ԱՄՆ նախագահ Դոնալդ Թրամփի սպառնալիքների դեմ բողոքի։ Ինչպես հաղորդում է Tasnim լրատվական...
ԵՄ-ն 34 միլիոն եվրո է փոխանցել Հայաստանին ռուսական շուկաներից վերադարձրած հայկական ապրանքի համար
Եվրոպական հանձնաժողովը 34 միլիոն եվրո է փոխանցել Հայաստանին՝ Ռուսաստանի առևտրային սահմանափակումներից տուժած մասնավոր հատվածին աջակցելու համար։ Այս մասին հաղորդվել է...
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2026 «ԱԶԳ» վերլուծական