Հոկտեմբերի 2-3-ը Zoom-webinar-ի առցանց ձեւաչափով Ֆրեզնոյում տեղի է ունենալու միջազգային գիտաժողով նվիրված Թուրքիայի հանրապետության վաղ շրջանի պատմագրությանը, կազմակերպությամբ Կալիֆոռնիա պետհամալսարանի Հայկական ուսումնասիրությունների ծրագրի ղեկավար պրոֆ. Բարլոու Տեր-Մկրտչյանի եւ Երուսաղեմի եբրայական համալսարանի դասախոս դոկտ. Ումիտ Քուրդի կողմից:
Քեմալ Աթաթուրքի առաջնորդությամբ 1923 թվի հոկտեմբերի 29-ին պաշտոնապես հռչակված Թուրքիայի հանրապետությունը գոյություն առավ հեղափոխական իրարհաջորդ տրավմատիկ զարգացումների ընթացքում: Տասնմեկ տարվա պատերազմ, զանգվածային միգրացիոն տեղաշարժեր եւ սպանություններ վերջ դրեցին 600-ամյա կայսրությանը: Տեղաբնակ հայերը հետեւեցին այդ զարգացումներին եւ ականատես եղան թուրքական ազգայնամոլության աճող տեմպերին եւ վայրագություններին:
Պրոֆ. Տեր-Մկրտչյանի բացման խոսքից հետո առաջին օրը զեկուցումով հանդես է գալու Բերքլիի Կալիֆոռնիա համալսարանից դոկտ. Քրիստին Ֆիլյուն : Նիստի քննարկումներին մասնակցելու են Քրիստոֆեր Շաքլյանը (Նյու Յորքի Կլարա եւ Գրիգոր Զոհրապ կենտրոնից) եւ Էրդեմ Իլտերը (UCLA-ից): Հաջորդ օրվա նիստին մասնկացելու են Թալին Սուսիյանը (Մյունխենից), Ումիտ Քուրդը եւ Արի Շեքերյանը (Էն-Արբորի Միչիգան համալսարանից):
