ԵՐՈՒՍԱՂԵՄԻ ԴՐԱԽՏԱՅԻՆ ՀԱՆԴԵՐՁԸՙ ՀԱՅԿԱԿԱՆ ԿԱՊՈՒՅՏ-ԿԱՆԱՉ ԽԵՑԻՆ

«Հայացք դրախտին» անունն է կրում մինչեւ սեպտեմբեր Արեւելյան Երուսաղեմի Ռոքֆելլեր հնագիտության թանգարանում բացված հայկական կերամիկայի ցուցահանդեսը: Գերմանիայում հրատարակվող «Յուդիշե ալգեմայնե» թերթն ակնհայտ սիրով է գրում Երուսաղեմի հին քաղաքի տարբեր շինություններըՙ հայկական սուրբ Հակոբի տաճարը, Հեսեդ Վերախամիմ սինագոգը, Նախշբանդի մզկիթը, American Colony հյուրանոցը զարդարող հայկական խեցու կապույտ- կանաչ զարդերանգի մասին: Շատերիս համար անհայտ է թերթի ներկայացրած այն փաստը, որ Առաջին աշխարհամարտի ժամանակ Անատոլիայից Հալեպ, այնուհետ Երուսաղեմ գաղթած խեցեգործ Դավիթ Հովհաննիսյանը Երուսաղեմի հայկական բացառիկ դպրոցը հիմնել է 100 տարի առաջ: Ցուցահանդեսին կանդրադառնանք առաջիկայում: