Բրիտանական թագավորական ընտանիքի ներկայացուցիչ 4-ամյա Ջորջը հոգնել է դպրոց գնալուց: Ջորջը սեպտեմբերի 7-ից հաճախում է Լոնդոնի Thomas s Battersea դպրոց, որտեղ տարեկան վարձը գերազանցում է 35 հազար ֆունտ ստեռլինգը: Դպրոցից հոգնելու մասին Ջորջն անձամբ հայտնել է հորըՙ արքայազն Ուիլյամին, որն ամեն օր առավոտյան որդուն ուղեկցում է դպրոց: Ջորջն ասել է հորը, որ դպրոց գնալուց 3 շաբաթ անց ինքը հասկացել է, որ դասացուցակը, դասերը, դպրոցական կյանքի հետ կապված ամեն բան իրենը չեն եւ որ ինքը կարոտով է հիշում նախադպրոցական կյանքը: Ի դեպ, մինչ դպրոց գնալը Ջորջը շարունակ խաղում էր Բուքինհեմյան պալատի բակում Լուպո անունով շան հետ, կրտսեր քրոջՙ Շառլոթի հետ մուլտֆիլմեր էր դիտում, մասնակցում էր անգամ հանրային միջոցառումների, որտեղ բոլորը նրան ընդունում էին մեծ սիրով ու ջերմությամբ:
Թե ի՞նչ կորոշեն թագավորական ընտանիքումՙ կապված Ջորջի ապագայի հետ, դեռ պարզ չէ, բայց փաստն այն է, որ բրիտանական դպրոցներում, ընդ որումՙ նրանցից ամենահարգիներից մեկում, որտեղ սովորում են բացառապես մեծահարուստների երեխաները, ոչ մեկին չեն վերաբերվում արքայավայել: Հենց դա էլ դուր չի եկել փոքրիկ Ջորջին ամենաշատը:
