Բաքվում 3 տարվա ազատազրկման դատապարտված բլոգեր Լապշինը, որն Ադրբեջանում մեղադրվում է այդ երկրի սահմանն «ապօրինաբար հատելու համար», միջնորդագիր է ներկայացրել, որպեսզի իրեն արտահանձնեն Իսրայել: Հիշեցնենք, որ Լապշինը ՌԴ եւ Իսրայելի քաղաքացի է, եւ ՌԴ ԱԳՆ-ն իր հերթին, Բաքվում ՌԴ դեսպանատունն էլ իր հերթին, հայտարարում էին, թե իրենք պատրաստ են սկսել Լապշինիՙ Ռուսաստանին արտահանձնելու գործընթացը, եթե բլոգերն ինքը խնդրի նման բան անել: Լապշինն, ինչպես տեսնում ենք, խնդրեց, բայց բոլորովին այլ բան:
Չնայած, մյուս կողմից, չի բացառվում, որ Իսրայել տեղափոխվելը ոչ այնքան Լապշինի ցանկությունն է, որքան ապացույցն այն բանի, որ Ադրբեջանից ինչ-որ բան, կամ ինչ-որ մեկը ավելի հեշտ ու շուտ Իսրայել կտեղափոխվի, քան Ռուսաստան, որի հետ, ինչպես Պուտինն ու Ալիեւը օրեր առաջ Սոչիում նշեցին, Ադրբեջանն ունի խնդիրներ:
