ՆՇԱՆՅԱՆԸ ՀՈՒՆԱՍՏԱՆՈՒՄ Է

Թռչնակը թռավ Հունաստան: Սեւան Նշանյանը, որը օրերս փախել էր թուրքական բանտից, քաղաքական ապաստան է խնդրել Հունաստանից: Աթենքը Նշանյանին տրամադրել է ժամանակավոր բնակվելու իրավունք: «Ընտրել եմ Հունաստանը, քանի որ այն իմ երկրորդ կամ երրորդ հայրենիքն է. սա շատ գեղեցիկ եւ քաղաքակիրթ երկիր է: Ուրախ եմ կյանքիս նոր փուլն անցկացնել այստեղ», ասել է Նշանյանը եւ հավելել. «Երբ կարգավորվեն Հունաստանում ապրելու իրավունք ստանալու գործերս, ապա հնարավոր է այցելեմ նաեւ Հայաստան»: Նշանյանը, սակայն, չի մանրամասնել, թե Հայաստանն իր որերո՞րդ հայրենիքն է եւ առհասարակ գեղեցիկ ու քաղաքակիրթ երկի՞ր է: