Վարչապետ Կարեն Կարապետյանն երեկ ընդունել է Հայաստանում հավատարմագրված Եվրոպական միության անդամ պետությունների դեսպաններինՙ ՀՀ-ում ԵՄ պատվիրակության ղեկավարի մասնակցությամբ, ներկայացնելով ՀՀ կառավարության 2017-2022 թթ. ծրագրի առաջնահերթությունները: Կառավարության ղեկավարն անդրադարձել է պետական կառավարման, մարդու իրավունքների, դատաիրավական, կոռուպցիայի դեմ պայքարի, տնտեսական (GSP+ արտոնությունների ընդհանրացված համակարգի ռեժիմ, ազատ տնտեսական գոտիներ) բնագավառներում մինչ օրս կատարված աշխատանքներին, արձանագրված արդյունքներին եւ առաջիկա քայլերին:
ԵՄ դեսպան Պյոտր Սվիտալսկին հավակնոտ եւ տպավորիչ է որակել ՀՀ կառավարության ծրագիրն ու բարեփոխումների օրակարգը, ապա վերահաստատել ԵՄ պատրաստակամությունըՙ Հայաստանի հետ համատեղ աշխատելու, ՀՀ-ԵՄ հարաբերությունները խորացնելու եւ ամրապնդելու ուղղությամբ:
